ශ්‍රී ලංකා ගුවන් හමුදාවට යුක්‍රේනයෙන් මිග් 17 සහ 27 ගුවන් යානා මිලදී ගැනීමේදී අයථා ලෙස උපයා ගත් මුදලින් රුසියාවේ හිටපු තානාපති උදයංග වීරතුංග මිලදී ගත්තේ යැයි කියන දේපල කිහිපයක් විකිණිම හෝ පැවරීම තහනම් කරමින් අධිකරණ නියෝගයක් නිකුත් කර තිබේ.
පොලිස් මූල්‍ය අපරාධ කොට්ඨාසය නිකුත් කළ ඉල්ලීමක් සලකා බැලු කොටුව මහේස්ත්‍රාත් ලංකා ජයරත්න 19 සිකුරාදා මෙම තහනම් නියෝගය නිකුත් කර ඇත.
එම නියෝගයට අනුව රුසියාවේ හිටපු ශ්‍රී ලංකා තානාපති උදයංග වීරතුංග අයත් දොම්පේ ප්‍රදේශයේ ඉඩම් දෙකක් සහ බොරැල්ල, ඇල්විටිගල මාවතේ ට්‍රිලියම් රෙසිඩන්සිස් ගොඩනැගිල්ලද උකස් කිරීම, පැවරීම හා විකිණීම තහනම් කරමින් ඉඩම් රෙජිස්ටර් ජෙනරාල්වරයා වෙත නියෝගයක් නිකුත් කර තිබේ.
Facebook Comments
