“ජනාධිපති අඳුරන අය” ආවොත් පොලිසියට කියන්න

ජනාධිපතිවරයා සමඟ සමීප සබඳතා පවතින බව අඟවමින් ජනතාව මුලාකර අයුතු බලපෑම් කිරීමේ නිරත පුද්ගලයන් ඇතොත් වහාම පොලීසියට දැනුම් ලෙස ජනාධිපති කාර්යාලය ඉල්ලා සිටී.

ජනාධිපති ගෝඨාභය රාජපක්ෂගේ උපදේශකවරයෙකු ලෙස පෙනී සිට මොරටුව ප්‍රසිද්ධ විදුහලක විදුහල්පතිවරයකුට බලපෑම් කළ පුද්ගලයකු පිළිබඳව තොරතුරු අනාවරණය වී ඇතැයි නිවේදනයක් නිකුත් කරමින් ජනාධිපති කාර්යාලය ප්‍රකාශ කර ඇත.

අදාළ සිදුවීම පසුගිය දිනවල ඇතැම් මාධ්‍ය මඟින් ද වාර්තා කර තිබු බව පවසන ජනාධිපති කාර්යාලය එම පුද්ගලයා සම්බන්ධව පිළිබඳව කොළඹ අපරාධ කොට්ඨාසය මේ වන විටත් පරීක්ෂණ අරඹා ඇති බවයි වැඩි දුරටත් නිවේදනය කරන්නේ.