රෝහල් ගත කර සිටින වරෙන්තුකාර හිටපු සුව ඇමැතිවරයාගෙන් අපරාධ පරීක්ෂණ දෙපාර්තුමේන්තුව ප්‍රකාශයක් සටහන් කර ගෙන තිබේ.
කෙසේ වෙතත් රාජිත සේනාරත්න මන්ත්‍රීවරයා මෙතෙක් අත් අඩංගුවට ගෙන නැති බවයි නීතිඥ ගුණරත්න වන්නිනායක පවසන්නේ.
අපරාධ පරීක්ෂණ දෙපාර්තමේන්තු නිලධාරීන් රාජිත සේනාරත්න හට ප්‍රතිකාර කරනු ලබන වෛද්‍යවරයාගෙන් ද ප්‍රකාශය සටහන් කරගෙන ඇතැයි බවද පැවසේ.
අධිකරණයෙන් වරෙන්තු ලබා සිටින හිටපු අමාත්‍ය රාජිත සේනාරත්න 26 බ්‍රහස්පතින්දා රාත්‍රියේ නාරාහේන්පිට ලංකා පෞද්ගලික රෝහලේ හෘද රෝග ඒකකයට ඇතුළත් විය.
වරෙන්තු ලබා සිටින සැකකරුවකු අධිකරණයට ඉදිරිපත් නොවී රෝහල්ගත වූ විට පළමුවෙන්ම සිදුවන්නේ පොලිස් නිලධාරීන් රෝහලට ගොස් සැකකරුගෙන් ප්‍රකාශයක් ගෙන අත්අඩංගුවට ගෙන අනතුරුව ඒ බව අධිකරණය වෙත දැනුම් දීමයි.
ඉකුත් ජනාධිපතිවරණ සමයේ පුද්ගලයින් දෙදෙනෙකු යොදා ගනිමින් සුදු වෑන්වලින් පුද්ගලයින් පැහැරගෙන යාම සම්බන්ධයෙන් මාධ්‍ය හමුවක් පවත්තා ඇති හිටපු ඇමැතිවරයා දණ්ඩ නීති සංග්‍රහයේ ප්‍රතිපාදන සහ ජනාධිපතිවරයා තෝරාපත් කර ගැනීමේ පනත යටතේ වරදක් සිදුකර ඇති හෙයින් ඔහු අත්අඩංගුවට දෙසැම්බර් 24 වනදා නිතිපතිවරයාගේ නියෝග යටතේ අපරාධ පරීක්ෂණ දෙපාර්තුමේන්තුව වරෙන්තුවක් ලබා ගත්තේය.
Facebook Comments
