මෙරටට පැමිණීමට නියමිතව තිබු ගුවන් ගමන් අවලංගු කිරීම හේතුවෙන් කාන්තාවන් ඇතුලු ශ්‍රී ලාංකිකයන් දෙසියක පිරිසකට ඩුබායිහි මහ මග ජීවිතය ගෙවා දමන්නට සිදුව තිබේ.
පසුගිය මාසයේ ඩුබායි සිට කොළඹට ආපසු ගෙන්වා ගැනීමේ ගුවන් ගමන් අවලංගු කිරීමෙන් ඔවුන් බොහෝ දෙනෙක් මෙලෙස අතරමං වී ඇති ආකාරය සමාජ මාධ්‍ය විසින් වාර්තා කර ඇත.
එම පිරිසෙන් 50 ක ප්‍රමාණයක් සැට්වාහි උද්‍යානයක රාත්‍රිය ගත කරන අතර, ඉතිරි 150 දෙනා තාවකාලික කඳවුරුවල වාසය කරන බව වාර්තා වේ.
සමාජ මාධ්‍ය තුළ සංසරණය වන විඩීයෝවක දැක්වෙන පරිදි එක් කාන්තාවක් ඉතා බැගැපත්ව බලධාරීන් ඉල්ලා සිටින්නේ නොවැම්බර් 10 දිනට පියාසර කිරීමට නියමිත ගුවන් යානයෙන් තමන් ඇතුලු පිරිස ශ්‍රී ලංකාවට පිටත් කර යවන ලෙසයි.
“17 වෙනිදයින් පස්සේ අපිට පොදු සමා කාලය ඉවරයි. අපිට ඊගාවට දඩ මුදල් ගෙවන්න සල්ලි නෑ. අපි ගොඩක් අසරණ වෙලා ඉන්නේ. ඕගොල්ලන් ඇවිල්ලා බලන්න .පාක් එකේ තමයි අපි ඉන්නේ. අපි එම්බසියේ මැඩම්ලත් එක්ක කතා කරා. මැඩම්ලා කිව්වා දහ වෙනිදා ප්ලයිට් එකට දාලා නැහැ. ඊගලට ප්ලයිට් එකක් තියනවා ඒක කවදද කියලා දන් නැහැ කිව්වා. එහෙම කරන්න එපා අපිට. ඉතා බැගැපත්ව ඉල්ලනවා අපිව එන ප්ලයිට් එකට දහ වෙනිදා එන ප්ලයිට් එකට අපි සේරම දාලා ලංකාවට යවන්න ” ඇය වැඩි දුරටත් ඉල්ලා සිටියාය.
Facebook Comments
