මෑතක් වන තුරුම කොළඹ යුද හමුදා මුලස්ථානය ලෙස භාවිතා කළ භුමියෙන් මිනිස් අස්ථි කොටස් හමු වු බව පොලිසිය පවසයි.
අධි සුඛෝපභෝගී හෝටල් සංකීර්ණයක් ඉදි කිරීම සඳහා කැනීම් කරද්දී මිනිස් ඇටකටු මතුවූ බව පොලිස් මුලස්ථානය නිවේදනයකි නිකුත් කරමින් කියා සිටින්නේ.
ගාලු මුවදොර හා බේරේ වැව අතර පිහිටු යුද හමුදා මුලස්ථානයේ අක්කර දහයක මෙම ඉඩම ශැන්ග්රී ලා හෝටල් සහ නිවාඩු නිකේතන ව්යාපාර සමූහය විසින් රාජපක්ෂ පාලන සමයේ මිලදී ගෙන ඇත්තේ 2011 ජනවාරියේය.
මිනිස් අස්ථි කොටස් හමු වු භුමිය මූලික මහේස්ත්රාත් පරීක්ෂණයකින් අනතුරුව පොලිසියට විමර්ශන කටයුතු භාරදී ඇත.