විධායකය අහෝසි කරන්න මහින්දගෙන් කොන්දේසි

0
562
Ivory Agency Sri Lanka
wedding people
Loading...

විධායක ජනාධිපති ධුරයේ වෙනස් කමක් සිදු කරන්නේ නම් වත්මන් ජන්ද ක්‍රමය හා 13 වන ව්‍යවස්ථා සංශෝධනය ද වෙනස් විය යුතු බවට විපක්ෂ නායකවරයා කොන්දේසි පනවා තිබේ.

පාර්ලිමේන්තුවට ඉදිරිපත්කර ඇති 20 වැනි ආණ්ඩුක‍්‍රම ව්‍යවස්ථා සංශෝධනය සම්බන්ධයෙන් සම්පූර්ණ වශයෙන් තමන්ට එකඟ විය නොහැකි බව පෙන්වා දී ඇති මහින්ද රාජපක්ෂ විධායක ජනාධිපති ක‍්‍රමය වෙනස්කිරීමට ප‍්‍රතිපත්තිමය වශයෙන් තමන්ද එකඟ යැයි පැවසු බවයි ජනතා විමුක්ති පෙරමුණ කියා සිටියේ.

කෙසේ වෙතත් මේ සම්බන්ධයෙන් තමන් සමඟ සිටින සෙසු දේශපාලන පක්‍ෂ සමඟද දීර්ඝව සාකච්ඡා කර තමන් සමඟ යළිත් සාකච්ඡා කිරීමට සූදානම් යැයි විපක්‍ෂ නායකවරයා දැනුම් දුන් බව ජවිපෙ නායක අනුර කුමාර දිසානායක 06 බදාදා විපක්ෂ නායකවරයා සමඟ පැවති සාකච්ඡාවෙන් අනතුරුව මාධ්‍ය වෙත පැවසීය.

විපක්ෂ නායක මහින්ද රාජපක්ෂ සමඟ පැවති සාකච්ඡාවෙහි මූලික පදනමින් ගත් කළ යම් සාර්ථකත්වය ඇති බව ද ජනතා විමුක්ති පෙරමුණේ නායක වැඩි දුරටත් සඳහන් කළේය.

විපක්‍ෂනායක කාර්යාලයේදී පැවැති මෙම සාකච්ඡාව සඳහා ජනතා විමුක්ති පෙරමුණ නියෝජනය කරමින් එහි නායක අනුර කුමාර දිසානායක, ප‍්‍රචාරක ලොක්ම්, පාර්ලිමේන්තු මන්ත‍්‍රී විජිත හේරත්, සහ පාර්ලිමේන්තු මන්ත‍්‍රී සුනිල් හඳුන්නෙත්ති සහභාගී වු අතර ඒකාබද්ධ විපක්‍ෂය නියෝජනය කරමින් දිනේෂ් ගුණවර්ධන හා ඩලස් අලහප්පෙරුම යන පාර්ලිමේන්තු මන්ත‍්‍රීවරුන් එක් වී සිටියහ.

Facebook Comments

Loading...