බීබීසි සිංහල අංශයේ නව අංශ ප්‍රධානි ලෙස පත් කෙරුණු සිරස රූපවාහිනි නාළිකාවේ හිටපු පුවත් කතුවර සංගීත් කළුබෝවිල ශ්‍රි ලංකාවේ සිට සංදේශයේ කටයුතු මෙහෙයවන බවට සිලෝන් ජර්නල්ස් වෙත වාර්තා වේ.
ප්‍රකට හඬකැවීම් ශිල්පියකු හා නිවේදකයකු වන කළුබෝවිල මහතා ජුලි මාසයේ සිට බීබීසි සිංහල අංශයේ අංශ ප්‍රධානී ලෙස පත් කෙරුනි.
බීබීසි සිංහල අංශ ප්‍රධානියකු ලංකාවේ සිට එම වැඩසටහන මෙහෙයවන මුල් ම අවස්ථාව මෙයයි.
ඔක්තෝබරයේ සිට සංගීත් කළුබෝවිල ලංකාවේ සිටිමින් සංදේශය මෙහෙයවීම ආරම්භ කර ඇත.
බීබීසියේ දකුණු ආසියානු කලාප ප්‍රධානි ජුලියනා උටි මහත්මිය සංදේශයේ කාර්ය මණ්ඩලයට පවසා ඇත්තේ කළුබෝවිල මහතාගේ වීසා ලබා ගැනීමේදි මතු වු තාක්ෂණික ගැටලුවක් හේතුවෙන් ඔහු ලන්ඩනයට ගෙන්වා ගැනීම අපහසු වී ඇති බවයි.
කෙසේ වෙතෙත් සංදේශයේ ප්‍රධාන මාධ්‍ය වන ගුවන් විදුලි වැඩසටහන් මේ තාක් කළුබෝවිල මහතා විසින් මෙහෙයවා නොමැත.
කළුබෝවිල මහතාට අමතරව අසාම් අමීන් මහතාද කොළඔ සිට සංදේශයට වාර්තා සපයයි.
Facebook Comments
