මාතෘත්වයට උසස් පිළිගැනීමක් සහ ස්ත්‍රී ප්‍රජාවට රැකවරණයක් නොමැති රටක්

0

ශ්‍රී ලංකාව මාතෘත්වය පූජනීයත්වයෙන් පිළිගන්නා රටක් වුවද මාතෘත්වයට උසස් පිළිගැනීමක් සහ සමස්ත ස්ත්‍රී ප්‍රජාවට රැකවරණයක් ලැබෙන බවක් පෙනෙන්නට නොමැති වීම කණගාටුවට කරුණක් බව ජනාධිපතිවරයා පවසයි.

එබැවින් රට තුළ තිරසාර සංවර්ධනය තහවුරු කිරීමේ උත්සාහයේ දී ශ්‍රී ලාංකික කාන්තාවගේ අනන්‍යතාව, ආරක්ෂාව මෙන්ම සංවර්ධන ක්‍රියාදාමයට සක්‍රීයව හවුල් වීමේ සහ මෙහෙයවීමේ අවස්ථාව කාන්තාවට ලබාදීම වෙනුවෙන් රජය මැදිහත්ව සක්‍රීය මැදිහත් විය යුතු බවට ජනාධිපති මෛත්‍රීපාල සිරිසේන සිය කාන්තා දින පණිවුඩය මඟින් අවධාරණය කර ඇත.

මනුෂ්‍ය වර්ගයාගේ තිරසර පැවැත්ම රඳා පවතිනුයේ, සවිබල ගැන්වුණු කාන්තා සංහතියේ ශක්තිය මත බව පවසන ජනාධිපතිවරයා ස්ත්‍රී පුරුෂ සමානාත්මතාව ළගාකර ගැනීම සහ සියලු කාන්තාවන් හා දැරියන් සවිබලගැන්වීමේ එක්සත් ජාතීන්ගේ සංවිධානය, ඉදිරි පහළොස් වසර තුළ අත්පත් කර ගැනීමට සැලසුම් කර ඇති තිරසර සංවර්ධන අභිමතාර්ථ අතරට එක්වන්නේ ද ඒ අනුව බවයි පවසන්නේ.

ශ්‍රී ලාංකීය ජනගහනයෙන් හරි අඩකටත් වැඩි ප්‍රතිශතයක් වන කාන්තා නියෝජනය, ලොව සංවර්ධන රටවල මට්ටමේ සමාජ සංවර්ධන දර්ශක අත්කරගෙන සිටීම සතුටට කරුණක් බවත් සාක්ෂරතාවයෙන් මෙන්ම ආයු අපේක්ෂාවෙන් ද පුරුෂයා ඉක්මවා ඉදිරියට පැමිණ සිටින ලාංකීය කාන්තාව, අද දවසේ අපේ ආර්ථිකයේ වැඩිම බර දරන්නිය බව ද නොරහසක් බවයි ජනපති සිරිසේන සිය නිවේදනයෙන් පෙන්වා දෙන්නේ.

කළමනාකරණ හා දේශපාලන තීන්දු ගන්නා යාන්ත්‍රණ තුළ කාන්තා සහභාගිත්වය ඉහළ නැංවීම වෙනුවෙන් ද ඉකුත් දෙවසර තුළ අප රජය ගත් ක්‍රියාමාර්ග තවදුරටත් ඉදිරියට ගෙන යාම සිය අපේක්ෂාව බව පවසන ජනාධිපතිවරයා ඒ වෙනුවෙන් කාන්තා සංවිධාන, කාන්තා ක්‍රියාමාර්ග ඇතුළු සියලු පාර්ශවයන්ගේ මැදිහත්වීම් සහ දායකත්වය ලබා දෙන ලෙසට ද සිය පණිවඩුයෙන් ඉල්ලා සිටී.

Facebook Comments

wedding people