වෙළඳාම පාසල් තුළ සිදුවන බව වාර්තා වී නොමැති නමුත් මත්ද්‍රව්‍ය වැරදි සම්බන්ධයෙන් පාසල් සිසුන් අත් අඩංගුවට ගෙන ඇතැයි නීතිය හා සාමය සහ දක්ෂිණ සංවර්ධන අමාත්‍යවරයා පවසයි.
මත්ද්‍රව්‍ය භාවිතයේ දුර්විපාක පිළිබඳව පාසල් දූ දරුවන් දෙමව්පියන් දැනුවත් කිරීමේ වැඩසටහනක් පැවැත්වීම හා අධ්‍යාපන අමාත්‍යාංශය, ශ්‍රී ලංකා පොලීසිය එක්ව ක්‍රියාත්මක කරන ළමා සුරක්ෂිතතා වැඩසටහන් සාර්ථකව පවත්වන බවයි අමාත්‍ය සාගල රත්නායක පවසන්නේ.
තවද පාසල් ළමුන් මත්ද්‍රව්‍යවලට ඇබ්බැහි වීම පිළිබඳව අධ්‍යයනය කිරීම හා ඉදිරි සැලසුම් සකස් කිරීම සිදු කරමින් පවතින බව ඔහු සදහන් කළේ පාර්ලිමේන්තු මන්ත්‍රී බුද්ධික පතිරණ විසින් 7 අගහරුවාදා පාර්ලිමේන්තුවේදී යොමු කළ වාචික ප්‍රශ්නයකට පිළිතුරු ලබාදෙමින් බව රජයේ ප්‍රවෘත්ති දෙපාර්තමේන්තුව සදහන් කරයි.
“එහෙත් පාසල්වලින් ඉවත් වූ පසු මත්ද්‍රව්‍යවලට යොමු වන බවට වාර්තා වෙනවා. විශේෂයෙන් නගර හා සංචාරක ප්‍රදේශවල. ඒ පිළිබඳව සොයාබැලීමක් සිදු කරනවා. එම වැඩපිළිවෙල ප්‍රජා පොලිසිය හරහා ආරම්භ කර තිබෙනවා. මත්ද්‍රව්‍ය නිවාරණ ඒකක තවදුරටත් ශක්තිමත් කරන ” ඔහු පවසා තිබේ.
ගංජා, අබින්, මත්පෙති, ඖෂධ සිරප්, මදනපෝදක, හා ඒ හා සමාන මත්ද්‍රව්‍ය සමාජය තුළ සීඝ්‍රයෙන් ව්‍යාප්ත වී නැතැයි ද පවසා ඇති අමාත්‍යවරයා වැඩි දුරටත් පවසා ඇත්තේ අනෙකුත් රටවල් සමඟ සන්සන්දනය කිරීමේ දී ශ්‍රී ලංකාව මත්ද්‍රව්‍ය පාලනය කර ඇති රටක් ලෙස ජාතික හා අන්තර් ජාතික වශයෙන් පිළිගෙන තිබෙනෙ බවයි.
Facebook Comments
