අතුරුදන් වුවන් සොයන විරෝධයට වසරක් පිරෙන දා ජනපතිගෙන් දෙමළ “සංහිඳියා නාලිකාවක්”

0

අතුරුදහන් කරවුවන් පිළිබඳව සත්‍ය හෙලි කරන ලෙස කිලිනොච්චියේ ආරම්භ කර ඇති විරෝධතාවයට වසරක් පිරෙන දා ජනාධිපති මෛත්‍රීපාල සිරිසේන විසින් කොළඹ දී දෙමළ බසින් විකාශනය වන “සංහිඳියා නාලිකාවේ” විකාශන කටයුතු ආරම්භ කර ඇත.

ශ්‍රී ලංකා රූපවාහිනි සංස්ථාවේ නව දෙමළ නාලිකාව වන “සංහිඳියා නාලිකාවේ“ විකාශය සමාරම්භක උත්සවය ජනාපතිගේ ප්‍රධානත්වයෙන් 20 අඟහරුවාදා කොළඹ පැවැත්වෙද්දි වසරක් පිරා අතුරුදහන් වුන් වෙනුවෙන් යුක්තිය පතන උතුරේ ජනයා තම පලමු වසරේ සංවත්සර විරෝධයේ නිරත විය.

“රට තුළ ජාතික සංහිඳියාව ගොඩනැගීමට රජය ගෙන යන වැඩපිළිවෙළට දායක වෙමින් මෙම නව සංහිඳියා නාලිකාව ආරම්භ කර තිබෙන අතර දෙමළ භාෂාව කතාකරන ජනතාවගේ ජාතික, ආගමික සහ සංස්කෘතික අනන්‍යතාව වෙනුවෙන් මෙම නාලිකාව පූර්ණ කාලීනව විකාශන කටයුතු සිදුකරයි.” යනුවෙන් නාළිකාවේ ආරම්භය වෙනුවෙන් ජනාධිපති මාධ්‍ය ඒකකය නිකුත් කල නිවේදනයේ දැක්වේ.

මංගල සමරවීර, මනෝ ගනේෂන්, රාජ්‍ය අමාත්‍ය ඒ.එච්.එම්. ෆවුසි, නියෝජ්‍ය අමාත්‍ය කරුණාරත්න පරණවිතාන, පාර්ලිමේන්තු මන්තී‍්‍ර එම්.ඒ. සුමන්තිරන්, අංගජන් රාමනාදන්, කාදර් මස්තාපා යන මහත්වරුන් සහ විදෙස් තානාපතිවරුන්, ජාත්‍යන්තර සංවිධාන නියෝජිතයින්, රාජ්‍ය නිලධාරින් ඇතුළු සම්භාවනීය ආරාධිත පිරිසක් ද, ශ්‍රී ලංකා රූපවාහිනි සංස්ථාවේ සභාපති නීතිඥ රවී ජයවර්ධන, අධ්‍යක්ෂ ජනරාල් තුසිර මැලැව්වෙතන්ති‍්‍ර, කි‍්‍රයාකාරී අධ්‍යක්ෂ අමල් ගජමන්ගේ මෙම අවස්ථාවට සහභාගි වී තිබේ.

Facebook Comments

wedding people