රාජිතව අත් අඩංගුවට ගන්න වරෙන්තු

0

හිටපු අමාත්‍ය රාජිත සේනාරත්න අත්අඩංගුවට ගැනීමට කොළඹ මහේස්ත්‍රාත් අධිකරණ විසින් වරෙන්තු නිකුත් කර තිබේ.

අපරාධ පරීක්ෂණ දෙපාර්තුමේන්තුව සහ නීතිපති දෙපාර්තමේන්තුව අධිකරණයට කළ කරුණු දැක්වීම් සළකා බලමින් 24 අඟහරුවාදා කොළඹ අතිරේක මහේස්ත්‍රාත් බණ්ඩාර නෙළුම්දෙණිය මෙම නියෝගය නිකුත් කළ බවයි නීතිපතිවරයාගේ සම්බන්ධීකරණ නිලධාරිනි රජයේ අධිනීතීඥ නිශාරා ජයරත්න ප්‍රකාශ කළේ.

මෙහිදී අපරාධ පරීක්ෂණ දෙපාර්තමේන්තුව වෙනුවෙන් පෙනී සිටි නීතිපති දෙපාර්තමේන්තුවේ නියෝජ්‍ය සොලිසිටර් ජනරාල් දීලිප පිරිස් අධිකරණය හමුවේ කරුණු දක්වමින් කියා සිටියේ ඉකුත් ජනාධිපතිවරණයේ සමයේ සුදු වෑන්වලින් පුද්ගලයින් පැහැරගෙන යාම සම්බන්ධයෙන්න දැනට අත්අඩංගුවේ සිටින පුද්ගලයින් දෙදෙනෙකු යොදවාගෙන හිටපු ඇමති රාජිත සේනාරත්න විසින් මාධ්‍ය සාකච්ඡාවක් පවත්වා ඇති බවයි.

ඒ හරහා හිටපු ඇමතිවරයා ලංකා දණ්ඩ නීති සංග්‍රහයේ ප්‍රතිපාදන සහ ජනාධිපතිවරයා තෝරාපත් කර ගැනීමේ පනත යටතේ වරදක් සිදුකර ඇති හෙයින් ඔහු අත්අඩංගුවට ගෙන ඉදිරිපත් කිරීම සඳහා වරෙන්තුවක් නිකුත් කරන ලෙස අධිකරණයෙන් ඉල්ලීමක් කළේය.

ඉදිරිපත් වු කරුණු සලකා බැලු කොළඹ අතිරේක මහේස්ත්‍රාත් බණ්ඩාර නෙළුම්දෙණිය රාජිත සේනාරත්න හිටපු ඇමැතිවරයා අත් අඩංගුවට ගෙන අධිකරණය හමුවට පමුණුවන ලෙස නියෝග කර ඇත.

තමන් අත් අඩංගුවට ගැනීමට වළාක්වාලන්නයි ඉල්ලා හිටපු අමාත්‍ය රාජිත සේනාරත්න විසින් ඉදිරිපත් කරන ලද අපේක්ෂිත ඇප අයැදුම් අධිකරණය විසින් මීට ඉහත දී ප්‍රතික්ෂේප කළ අතර ඔහුට විදෙස් ගමන් තහනමක්ද පනවා තිබුනි.

Facebook Comments

wedding people