ශ්‍රේෂ්ඨාධිකරණයට අපහාස කිරීම යටතේ චෝදනා ලබා සිටින මානව හිමිකම් ක්‍රියාධාරිනියක සහ සම්මානලාභී කතුවරියක වන අරුන්දතී රෝයි ශ්‍රේෂ්ඨාධිකරණයෙන් සමාව අයැදීම ප්‍රතික්ෂේප කර තිබේ.
ආබාධිත, හිටපු දිල්ලි විශ්වවිද්‍යාල මහාචාර්ය G.N. සායි බාබාට විරුද්ධව ශ්‍රේෂ්ඨාධිකරණය ලබාදුන් තීන්දුව සහ ඔහුගේ ඇප ඉල්ලීම ප්‍රතික්ෂේප වීම විවේචනයට ලක් කිරීම නිසා කතුවරියට එරෙහිව 2015 දී අපහාස නඩුවක් ගොනු විය.
සායි බාබාට එරෙහි මහාධිකරණ නඩු තීන්දුව පිළිබඳව සිය පෞද්ගලික සංවේගය පල කරමින් Outlook සඟරාවේ පල කළ ලිපියක් මෙයට හේතු වී ඇත.
මාවෝවාදී කැරලිකරුවන්ට සම්බන්ධ බවට තිබූ චෝදනාව මත 2014 වසරේදී අත්අඩංගුවට ගන්නා ලද සායි බාබාට, කැරලිකරුවන්ට රැකවරණය සැපයීමේ චෝදනාව ලැබීම නිසා 2017 මාර්තු මස දී ජීවිතාන්තය දක්වා සිර දඬුවම් හිමි විය.
කෙසේ වෙතත් 03 සඳුදා පැවති නඩු විභාගයේදී ඇපෑලක් ඉදිරිපත් කිරීම සඳහා අගවිනිසුරු ජේ එස් කේහර් සහ ඩී වයි චන්ද්‍රචුද් , අරුන්දතී රෝයි හට අවසර ලබා දී තිබේ.
එසේම නාග්පූර් විනිසුරු මණ්ඩලය විසින් බොම්බේ ශ්‍රේෂ්ඨාධිකරණයේ සාපරාධි අපහාස නඩුවක් ගොනු කිරීමට එරෙහිව ඇය ඉදිරිපත් කළ අභියාචනය, අවසාන නඩු විභාගයේදී සලකා බලනු ඇත.
Facebook Comments
