ශ්‍රී ලංකා යුද හමුදාව විසින් විසි අට වසරක් තිස්සේ කඳවුරු බැඳ සිට නිදහස් කරන ලද ඉඩම් හි තවමත් පුපුරණ ද්‍රව්‍ය තිබීම හේතුවෙන් එම ඉඩම් වල පදිංචි කරුවන්ගේ ජිවිත වලට තර්ජන එල්ල වී තිබේ.
යාපනය වලිකාමම් උතුරු ප්‍රදේශයේ වසාවුලාන්, වඩමුලෛයි සහ ඔට්ටහපුලම් ප්‍රදේශයේ ඉඩම් ශ්‍රී ලංකා යුද හමුදාව විසින් නැවත මුල් හිමිකරුවන් වෙත ලබා දුන් අතර එම ඉඩම් වල පුපුරුණ ද්‍රව්‍ය ඇති බවටයි හිමිකරුවන් චෝදනා කරන්නේ.
නිදහස් කරන ලද වඩමුලෛයි ප්‍රදේශයේ ඉඩමක තිබි පුපුරණ ද්‍රව්‍ය හමුවී ඇති අතර ඒ පිළබඳව බෝම්බ ඉවත් කරන ස්වෙච්ඡා සංවිධානයකට දැනුම් දිමෙන් අනතුරුව ඔවුන් පුපුරණ ද්‍රව්‍ය ඉවත් කර තිබේ.
එම ප්‍රදේශයේ තවත් පුපුරණ ද්‍රව්‍ය තිබිය හැකි බවට අනතුරු අඟවන ස්වෙච්ඡා සංවිධාන පුපුරණ ද්‍රව්‍ය වලින් ප්‍රවේසම් වන ලෙසට සහ ඒව හමු වුවහොත් දැනුම් දෙන ලෙසට දන්වා ඇති පුවරු නිදහස් කල භුමිය පුරාම දක්නට ලැබුණ බවයි සිලෝන් ජර්නල්ස් වාර්තාකාරිනිය පවසන්නේ.
ශ්‍රී ලංකා යුද හමුදාව විසින් හිතා මතා පුපුරණ ද්‍රව්‍ය ඉවත් නොකර ඇති බව මෙන්ම ඒ හරහා තම ජිවිත අනතුරේ හෙලා ඇති බවට අනන්‍යතාව්‍ය හෙලි කිරීමට අකමැති වු ගම්වාසියෙකු සිලෝන් ජර්නල්ස් හා කියා සිටියේය.
විසි අට වසරකට පසු
1989 වසරේදී තම මුල් ඉඩම් වලින් පලවා හැර තිබු ජනතාවට වසර 28 කට පසු පසුගිය නොවම්බර් 30 වෙනිදා නැවත තම මුල් ඉඩම් හිමි විය.
යුද හමුදාව විසින් අක්කර 29 ක කඳවුර බැඳ තිබු අතර උත්තර මාතා කතෝලික දේවස්ථානය සහ රෝමානු කතෝලික හා දෙමළ මිශ්‍ර පාසලද එයට ඇතුලත්ව තිබුණි.
නිදහස් කරන ඉඩම් කැළෑ බවට පත් වී ඇති බැවින් ඉඩම් වල සීමවන් සොයා ගැනීමට ඉතා අසීරු වී ඇති අතර ඉඩම් නිදහස් කලද රජය එම ප්‍රදේශයට අවම මුලික පහසුකම්වත් ලබා දී නොමැති බවටයි ගම්වාසීන් චෝදනා කරන්නේ.
Facebook Comments
