හිටපු නැව්පතිට නඩු නොදමන්න බලපෑම්,හිටපු යුද හමුදාපති හෙළි කරයි

0

කොළඹ හා තදාසන්න ප්‍රදේශ වලින් පුද්ගලයන් 11 දෙනෙකු පැහැරගෙන අතුරුදහන් කිරීමට සම්බන්ධ බව අනාවරණය කර ගෙන ඇති හිටපු නාවික හමුදාපතිට අධිකරණයේ චෝදනා ගොණු නොකරන ලෙසට බලපෑම් එල්ල වී ඇති බවට හිටපු යුද හමුදාපතිවරයෙකු හෙළි කර තිබේ.

හිටුපු හමුදාපති වසන්නත කරන්නාගොඩ එම සිද්ධියට සම්බන්ධ බවට රහස් පොලිසිය සොයාගෙන ඇති බව කී ෆීල්ඩ් මාර්ෂල් සරත් ෆොන්සේකා හිටපු නාවික හමුදාපතිට නඩු පැවරීමට යාම එක එක අංශ වලින් නවත්වන බවට මාධ්‍ය වෙත කියා සිටියේය.

“කරන්නාගොඩ ළමයි 11 දෙනෙක් මරපු එකට සම්බන්ධයි කියලා සාක්ෂි තියෙනවා CID එක නඩු දාන්න ලෑස්තියි. ඒක එක එක අංශ වලින් නවත්වනවා නම් කොහොමද සධාරණය ඉෂ්ඨ වෙන්නේ. මැරිච්ච දරුවන්ගේ දෙමව්පියන්ට සධාරණයක් ඉෂ්ඨ වෙන්න ඕනේ නැද්ද කරන්නාගොඩට විතර සධාරණය ඉෂ්ඨ වෙන්නෙ ඕනේ.” යැයි අමාත්‍යවරයා ප්‍රශ්න කළේය.

කෙසේ වෙතත් හිටපු නාවික හමුදාපතිවරයාගේ නඩු කටයුතු වලට බලපෑම් කරන්නේ කවුද යන්න පිළිබඳව අමාත්‍යවරයා සඳහන් කර නැත.

එම සිද්ධිය සම්බන්ධව අවස්ථා දෙකකදී හිටපු නාවික හමුදාපතිවරයාගෙන් අපරාධ පරීක්ෂණ දෙපාර්තුමේන්තුව ප්‍රශ්න කරන ලද අතර ඔහු එරෙහි ‍චෝදනා ගොණු කරන බවට නීතිපති දෙපාර්තුමේන්තුව අධිකරණයට දන්වා තිබුණි.

යුද්දයෙන් පසුව ආරක්ෂ අංශයේ ඇතැම් පිරිස් අපරාධ කරන ලද බව පෙන්වා දුන් අවසන් යුද්ධයට නායකත්වය දුන් හමුදාපතිවරයා ඒ සම්බන්ධව අනිවාර්යෙන් පරීක්ෂණ සිදු කල යුතු බව අවධාරණ කර සිටියේය.

එම සිද්ධින්ට මෙරට දී දඬුවම් දීම හරහා ජාත්‍යන්තර මුදිහත් වීම් වළක්වා ගත හැකි වනු ඇති බවට හිටපු යුද හමුදාපති අමාත්‍ය ෆීල්ඩ් මාර්ෂල් සරත් ෆොන්සේකා විශ්වාසය පළ කළේය.

ආරක්ෂ අංශ වලින් සිදු කරන ලද අපරාධ පිළිබඳව පරීක්ෂණ සිදු කර දඬුවම් ලබා නොදෙන්නේ දේශපාල නායකත්ව වල දුර්වලතා නිසාවෙන් බව හිටපු යුද හමුදාපතිවරයා පෙන්වා දුන්නේය.

Facebook Comments