දිවයින පත්තරේ වඳ සැත්කම් ගැන පොලිස් පරීක්ෂණ (VIDEO)

0
503
Ivory Agency Sri Lanka
HailHost
wedding people

සිංහල මව්වරුන් වඳ කිරීම සම්බන්ධව ජාතික පුවත්පතක් සිදු කර ඇති වාර්තාව අසත්‍ය බව පවසන පොලිසිය එම පුවත ගැන පරීක්ෂණයක් ආරම්භ කර තිබේ.

“සිසේරියන් සැත්කම් වලින් පසු තව්හිද් ජමාත් දොස්තර සිංහල මවුවරුන් 4000ක් වඳ කරලා” සිරස්තලයෙන් 23 බ්‍රහස්පතින්දා දිවයින පුවත්පත පුවතක් පළ කර තිබුනි.

“වඳ භාවයට පත් කිරීම සම්බන්ධව විමර්ශණයක් අපරාධ පරීක්ෂණ දෙපාර්ත්‍රමේන්තුව විසින් හෝ වෙනත් විශේෂ පොලිස් කණ්ඩායමක් විසින් සිදු කරන්නේ නැහැ. ඒ වගේම මේ ආකාරයේ පැමිණිළි මේ වන තෙක් කිසිඳු පොලිස් ස්ථානයකට ලැබිලා නැහැ.” යි පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර 23 බ්‍රහස්පතින්දා මාධ්‍ය වෙත කියා සිටියේය.

අදාළ පුවත සම්බන්ධව පොලිස් මාධ්‍ය ඒකකයෙන් හෝ විමසීමක් කර නැති බව පවසන පොලිස් මාධ්‍ය ප්‍රකාශකවරයා එම පුවතේ වගකීම දිවයින පුවත්පත හා පුවත වාර්තා කළ මාධ්‍යවේදීයා සතු බව සඳහන් කළේය.

මේ ආකාරයක විමර්ශනයක් සිදු නොවන වාතාවරණයක එවැනි පුවතක් පළ වීම සම්බන්ධව අපරාධ පරීක්ෂණයක් සිදු කිරීමට වැඩ බලන පොලිස්පතිවරයා විසින් අපරාධ පරීක්ෂණ දෙපාර්තුමේන්තුව වෙත නියෝග කර ඇති බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර වැඩි දුරටත් මාධ්‍ය වෙත පැවසීය.

Facebook Comments

HailHost