ශ්‍රී ලංකාවේ පුරවැසිභාවය අභියෝගයට ලක්ව ඇති තම මලනුවන් ඉදිරි ජනපතිවරණ අපේක්ෂකයා ලෙස ඉදිරිපත් කරන බව විපක්ෂ නායක මහින්ද රාජපක්ෂ ප්‍රකාශ කර සිටී.
“මගේ සහෝදරකමින් මම ඔහුව බාර දෙනවා ඔබට” යනුවෙන් ගෝඨාභය රාජපක්ෂ ඉදිරි ජනපතිවරණයට ඉදිරිපත් කරන බව 11 ඉරිදා කොළඹ සුගතදාස ගෘහස්ත ක්‍රිඩාංගණයේ පැවති ශ්‍රී ලංකා පොදුජන පෙරමුණේ ජාතික මහා සම්මේලන අමතමින් විපක්ෂ නායකවරයා කියා සිටියේය.
විවිධ බාධා පමුණුවමින් ගෝඨාභය රාජපක්ෂ වළක්වාලීමට ගන්නා ලද උත්සාහයන් ආගමික නායකයන් හා රටේ ජනතාවගේ මැදිහත් වීම මත වැළකී ගිය බව ද හිටපු ජනපති විපක්ෂ නායක මහින්ද රාජපක්පක්ෂ සඳහන් කළේය.
“ව්‍යවස්ථාවෙන් ඔහු නතර කරන්න හැදුවා, හිරේ විලංගුවේ යවන්න හැදුවා, මේ රටේ මහා සංඝරත්නය, ආගමික නායකයෝ, රටට ආදරය කරන ජනතාව ඔහු රැක ගත්තා.”
තමන්ගේ තේරීමට වඩා රටේ තේරීම මත ගෝඨාභය රාජපක්ෂ ඉදිරි ජනපතිවරණ අපේක්ෂකයා ලෙස ශ්‍රී ලංකා පොදු ජන පෙරමුණ නියෝජනය කරමින් ඉදිරිපත් කරන බවට මහින්ද රාජපක්ෂ විපක්ෂ නායකවරයා වැඩි දුරටත් කියා සිටියේය.
කෙසේ වෙතත් ගෝඨාභය රාජපක්ෂ හට ජනාධිපති අපේක්ෂකයා වීමට බාධාවක්ව පවතින එක්සත් ජනපද පුරවැසිභාවය ඉවත් කළ වගක් මෙතෙක් නිල වශයෙන් ප්‍රසිද්ධියට පත් කර නැත.
Facebook Comments
