ඇමැති බදියුදීන්ට එරෙහි විශ්වාස භංගය ජුනි මාසයේ විවාදයට

0
462
Ivory Agency Sri Lanka
HailHost
wedding people

අමාත්‍ය රිෂාඩ් බදියුදීන්ට එරෙහිව පාර්ලිමෙන්තුවට ඉදිරිපත් වී ඇති විශ්වාස භංග යෝජනාව ජුනි මස 18 සහ 19 යන දෙදින විවාදයට ගත හැකි බව සභානායකවරයා පාර්ලිමේන්තුවට දැනුම් දී තිබේ.

පාර්ලිමේන්තු මන්ත්‍රී වාසුදේව නානායක්කාර අදාළ විශ්වාස භංග යෝජනාව සම්බන්ධව කළ ප්‍රශ්න කිරීමටකට පිළිතුරු දෙමින් අමාත්‍ය ලක්ෂ්මන් කිරිඇල්ල 23 බ්‍රහස්පතින්දා මේ බව කියා සිටියේය.

කෙසේ වෙතත් විශ්වාස භංග යෝජනාව ජුනි මාසයට කල් දැමීමට විපක්ෂයේ මන්ත්‍රීවරු සිය විරෝධය පළ කළ බව රජයේ නිල පුවත් වෙබ් අඩවිය සඳහන් කරයි.

විශ්වාසභංගය සඳහා දින ලබාදෙන්නේ ආණ්ඩුව බව අගමැති රනිල් වික්‍රමසිංහ සඳහන් කර ඇති අතර අදාළ දින කිසි සේත් වෙනස් කළ නොහැකි බව කතානායක කරු ජයසූරිය පාර්ලිමේන්තුවට දන්වා ඇත.

මේ අතර රිෂාඩ් බදියුදීන් අමාත්‍යවරයාට එරෙහි විශ්වාසභංග යෝජනාව විවාදයට ගන්නා දිනය පිළිබඳ තීරණයක් ගැනීම සඳහා පැවති විශේෂ පක්ෂනායක රැස්වීම එකඟතාවයකින් තොරව අවසන් වු බව මාධ්‍ය වාර්තා කර තිබුනි.

Facebook Comments

HailHost