ලොවම තැති ගන්වමින් කොවිඩ් 19 වයිරසය ලොව පුරා පැතිරෙද්දි මුහුදින් වටවු දුපතක් වූ ශ්‍රී ලංකාවට කොරෝනා රෝගය ගෙන එන ලැබුවේ රජය විසින් බවට දුරකතන සංවාද පටිගත කර රට තුල අන්දෝලනයක් ඇති කළ හිටපු මන්ත්‍රීවරයකු පවසා තිබේ.
කොවිඩ් 19 රෝගය ලොව පුරා පැතිර යමින් තිබියදී ලොව ආරක්ෂිතම රට ශ්‍රී ලංකාව බවට සංචාරක ප්‍රවර්ධන අමාත්‍යංශයෙන් දෙකෝටියකට වැඩි මුදලක් වැය කරමින් විදෙස් රට වල ප්‍රවර්ධන වැඩ සටහනක් ක්‍රියාත්මක කළ බවයි හිටපු අමාත්‍ය රන්ජන් රාමනායක පවසන්නේ.
“මේක දිවයිනක්, මුහුදෙන් වටවු දුපතක්, මේ දුපතේ කොරෝනා තිබුනේ නෑ. මේක ගෙනාවේ කවුද ලංකාවට මුලින්ම චීනෙන් එද්දි ඒ චීන කාන්තාව ඉඹලා, ඒක ටිවී එකේ දාලා, ලෝකේ කොරෝනා වැලඳුන රෝගීන්ට තිබෙන ආරක්ෂිතම රට කියලා සංචාරක අමාත්‍යංශයෙන් දොකෝටි හතලිස් එක් ලක්ෂයක් වියදම් කරලා විඩියෝ එකක් කළා.”
කොරෝනා රෝගීන් හට ලොව සෞඛ්‍යාරක්ෂිත දිවයින ලංකාව බවට ප්‍රචාරක දැන්වීම් නිකුත් කර තිබුනේ සංචාරක අමාත්‍යංශයේ අධ්‍යක්ෂවරයකු හා ජනපති ගෝඨාභය රාජපක්ෂගේ සමීපතම හිතවතකු වන මාධ්‍ය ප්‍රධානී දීලිත් ජයවීර බවට සමාඡ ඡාලා ඔස්සේ චෝදනා කර තිබුනි.
මෙරටින් වාර්තා වු ප්‍රථම ශ්‍රී ලාංකික කොරෝනා අසාදිතයා සංචාරක මග පෙන්වන්නකු වන අතර ඉතාලි ජාතික සංචාරක පිරිසකගෙන් ඔහුට කොරෝනා රෝගය වැළඳුන බවට සෞඛ්‍ය අංශ විසින් සොයා ගන්නා ලදී.
කොරෝනා පැතිර යාමේ අවදානම හේතුවෙන් රට පුරා ඇඳිරි නීතිය පනවා ඇති අවස්ථාවක ජනතාවට අවශ්‍ය අතවශ්‍ය පහසුකම් ලබා දීමට රජය අසමත් වී සිටින බවට චෝදනා කරන රන්ජන් රාමානායක ආණ්ඩුව නිසි ලෙස ක්‍රියාත්මක වුයේ නම් විපක්ෂයේ පිරිස් හට ජනතා අවශ්‍යතාවයන් ඉටු කිරීමට සිදු නොවන බවද අවධාරණය කළේය.
කොවිඩ් 19 රෝගය පැතිරයාමෙන් පීඩාවට පත්ව සිටින මෙරට ජනතාවගේ අවශ්‍යතා ඉටු කිරීමට කෝටි ගණනක් ලැබී ඇති නමුත් එම මුදල් විගණනයක් සිදු නොවන බව දින නියමයක් නොමැතිය ඇඳිරි නීතිය දමා ඇති ගම්පහ දිස්ත්‍රික්කයේ ජනතාව හට අත්‍යාවශ්‍යය ආහාර තොගයක් බෙදා දීමෙන් පසුව මාධ්‍ය අමතමින් මන්ත්‍රීවරයා කියා සිටියේය.
පීඩාවට පත්ව සිටින ජනතාව හට අත්‍යාවශ්‍ය ද්‍රව්‍ය බෙදා හැරිමට ප්‍රදේශයේ මන්ත්‍රීවරයා යොදා ගැනීමෙන් ආණ්ඩුව කොරෝනා රෝගය හරහා දේශපාලන ව්‍යපෘති දියත් කරමින් සිටින බවට ද රන්ජන් රාමනායක මන්ත්‍රීවරයා වැඩි දුරටත් චෝදනා කළේය.
Facebook Comments
