යහපාලන රජයේ ප්‍රතිපත්ති ඉදිරියට ගෙන යමින් ඒකිය රටක් තුල උපරිම බලය බෙදීමක් ලබා දෙන බවට එක්සත් ජාතික පෙරමුණු ජනපති අපේක්ෂකයා සහතික වී තිබේ.
එක්සත් ජාතික පෙරමුණේ සියලු පාර්ශවකරුවන්ගේ අදහස් මත මැතිවරණ ක්‍රමය වෙනස් කිරීම හා විධායක ජනපති ක්‍රමය අහෝසි කිරිමට ආරම්භ කරන ලද වැඩ පිළිවෙල ඉදිරියට ගෙන යන බවයි සජිත් ප්‍රේමදාස අමාත්‍යවරයා පවසන්නේ.
“ඒකීය ශ්‍රී ලංකාව තුල උපරිම බලය බෙදීම, මැතිවරණ ප්‍රතිසංස්කරණ ක්‍රියාවලියන් ඒ වගේම ජනාධිපති ක්‍රමය පිළිබවඳ ඒ් ආරම්භ කරපු වැඩ පිළිවෙල සියලුම පාර්ශවයන්ගේ සහයෝගය, අනුමැතිය සහිතව ඉදිරියට ක්‍රියාත්මක කරන්න සැදී පැහැදී සිටිනවා.”
ජාතික ගැටලුව විසඳීම වෙනුවෙන් බලය බෙදාහැරීමට ලබා දුන් තීන්දුව තමන්ගේ යෝජනාවක් මිස කිසිදු පාර්ශවයකින් පැමිණි යෝජනාවක් නොවන බව එක්සත් ජාතික පෙරමුණේ ජනපති අපේක්ෂකත්වය ලබා ගැනීමෙන් පසුව සිරිකොත පැවති මාධ්‍ය හමුවක දී අමාත්‍ය සජිත් ප්‍රේමදාස අවධාරණය කළේය.
“අර සන්ධානයයි මේ සන්ධානයයි කියන දේවල් මට වැඩක් නැහැ. මම බොහොම සුද්ද පිරිසිදු සිංහලෙන් කිව්වා ඒකීය ශ්‍රී ලංකාවක් තුල උපරිම බලය බෙදීම මේ ඔක්කොම මගේ යෝජනා කාගෙවත් යෝජනා නෙවේ,” යි ඇමැතිවරයා පැවසීය.
බලය බෙදීමෙන් රටේ ඒකීය භාවයට, ස්වෛරී භාවයට හෝ දේශපාලන නිදහසට කිසිදු හානියක් නොවන බවද එක්සත් ජාතික පෙරමුණේ ජනපති අපේක්ෂක සජිත් ප්‍රේමදාස අමාත්‍යවරයා වැඩි දුරටත් කියා සිටියේය.
Facebook Comments
