ජන්ද ලකුණ ගැන කතා කරන්න මහින්ද, ගෝඨා, බැසිල් ජනපති හමුවෙයි

0

විපක්ෂ නායක මහින්ද රාජපක්ෂ , ‍පොදුජන පෙරමුණේ ජනාධිපති අපේක්ෂක ගෝඨාභය රාජපක්ෂ සහ බැසිල් රාජපක්ෂ ජනාධිපතිවරයා හමුවීමට නියමිත බව ශ්‍රී ලංකා නිදහස් පක්ෂය පවසනවා.

එම හමුව 28 සෙනසුරාදා සිදු වන බවයි එම පක්ෂයේ මාධ්‍ය ප්‍රකශක පාර්ලිමේන්තු මන්ත්‍රී වීරකුමාර දිසානායක කියා සිටියේ.

ශ්‍රී ලංකා නිදහස් පක්ෂ මන්ත්‍රී කණ්ඩායම් රැස්වීමක් 27 සිකුරාදා පැවති අතර එහිදී ගනු ලැබූ තීරණ සම්බන්ධයෙන් සාකච්ඡා කිරීමට මෙම හමුව සිදුවන බවයි ඔහු පවසන්නේ.

එම සාකච්ඡාවේදී ජනාධිපතිවරණය සඳහා ඉදිරිපත් වනු ලබන “ලකුණ” සම්බන්ධයෙන් විශේෂ අවධානය යොමු කරනු ඇති බවට ඔහු විශ්වාසය පළ කළේය.

ජනාධිපති මෛත්‍රීපාල සිරිසේන හා පොහොට්ටු නායකයන් අතර පැවැත්වීමට නියමිත මෙම සාකච්ඡාව බෙහෙවින් තීරණාත්මක වනු ඇති බවටයි දේශපාලන ආරංචි මාර්ග පෙන්වා දෙන්නේ.

Facebook Comments

wedding people