සංඝ සභාත් ජනවරමට යටත් – දඹර අමිල හිමි

0

ජනවාරි 08 සහ මහ මැතිවරණයේදී ලබා දුන් ජන වරමට භික්ෂු සංඝ සභාද යටත් බව යහපාලන රජය බිහි කිරීමට උර දුන් බෞද්ධ භික්ෂුවක් පවසයි.

රට මත ආගම් තිබෙනවා මිස ආගම් උඩ රට නොතිබෙන බව තේරුම් ගත යුතු යැයි දඹර අමිල හිමි කියා සිටියේ 27 සිකුරාදා අගමැතිවරයා සමඟ පැවති සාකච්ඡාවකින් අනතුරුව මාධ්‍යට අදහස් දක්වමිනි.

නව ව්‍යවස්ථාව පිළිබඳ යෝජනා වී තිබෙන ඇතැම් කරුණු වෙනස් කරන මෙන් ඉල්ලා සිටීමට මහා සංඝරත්නයට, අනෙකුත් ආගමික නායකයන්ට, රට වැසියාට පූර්ණ අයිතිය තිබෙන බව පෙන්වා දෙන එහිමි මෙම කරුණු පිළිබඳ ඇත්ත ඉදිරියේ දී සියලු දෙනාට දැන ගැනිමට හැකි වනු ඇති බවට විශ්වාසය පල කළේය.

යෝජිත නව ආණ්ඩුක්‍රම ව්‍යවස්ථාව තුළින් අනිවාර්යයෙන්ම විධායක ජනාධිපති ධුරය අහෝසි විය යුතු බව සහ ඒකීය රාජ්‍ය තුළ සංස්කෘතික අනන්‍යතා, ආර්ථික හා දේශපාලන අනන්‍යතා ඔප් නැංවෙන ලෙස බලය බෙදා හැරීමේ ක්‍රියාවළියක් සිදු විය යුතු බවයි අමිල හිමියන් අවධාරණය කරන්නේ.

“ජනාධිපති ක්‍රමය තුළින් ඒකාධිපතියෙක් නිර්මාණය කරනවා. නුතන ලෝකයට එය ගැලපෙන්නෙ නැහැ. විධායක ජනාධිපති ධුරය අහෝසි කළ යුතු බව හිටපු ජනාධිපතිවරු ද ප්‍රකාශ කළා. විධායක ජනාධිපති ක්‍රමය අවශ්‍යයි කියන්නෙ කළින් සිටි ජනාධිපතිවරයාගේ කණ්ඩායම” යි එහිමියෝ පැවසුහ.

හැට දෙලක්ෂයක ජනතාවගේ මතය කිසිවකුට ඉවත දැමිය නොහැකි බව අවධාරණය කරන දඹර අමිල හිමි නව ආණ්ඩුක්‍රම ව්‍යවස්ථාව ඉතා විනිවිදව රැගෙන ආ යුතු බව අග්‍රාමාත්‍යවරයා සමඟ පැවැති සාකච්ඡාවේ දී ප්‍රකාශ කළේ යැයි කියා සිටියහ.

Facebook Comments

wedding people