බලතල බෙදා ගැනීමට රටේ ප්‍රමාණය වැදගත් නොවන බව පෙන්වා දෙන සිවිල් සංවිධාන ක්‍රියාධරයෙකු ඒ හරහා රට බෙදී යාමේ අවධානමක් නැති බව ද අවධාරණය කරයි.
“ස්විස්ටර්ලන්තය ලංකාවෙන් බාගෙකට පොඩ්ඩක් වැඩි ජනගහනය අතින් ගත්තත් භූගෝලිය අතින් ගත්තත්. බෙල්ජිමයමක් භූගෝලිය වශයෙන් ලංකාවට වඩා කුඩයි ජනගහනයත් අඩුයි. මේ රටවල් දෙකම සංවිධානය වෙලා තියෙන්නෙ ෆෙඩරල් ක්‍රමය යටතේ කැඩිල ගිහිල්ලා නැහැ පොඩියි කියලා.” යි ගත්කතුවර ගාමිණි වියන්ගොඩ පෙන්වා දෙයි.
ඉතිහාසය පුරාවටම ෆෙඩරල් ක්‍රමය යටතේ රටවල් කැඩියාමේ අවධානමෙන් වළක්වා ඇති බවට පසුගියදා පැවති මහජන සම්මන්ත්‍රණයක දී ගාමිණි වියන්ගොඩ කියා සිටියේය.
බලතල බෙදා ගැනීම සම්බන්ධ මුලික මනුෂ්‍ය හා දේශපාලන අංගය බර සාරව තේරුම් ගත යුතු යැයි ද ගත්කතුවරයා මෙහිදි යෝජනා කළේය.
විධායකය හොඳයි
විධායක ජනාධිපති ධුරය අයහපත් නොවන දෙයක් බව කී ගාමිණි වියන්ගොඩ එහෙත් ඊට ගැළපෙන දේශපාලන සංස්කෘතිය ලංකාව තුල නොමැති බව පෙන්වා දුනි.
“ඇමරිකාවට ඒක හොඳට ගැලපෙනවා, ප්‍රංශයට හොඳට ඒක ගැළපෙනවා ඒක නිසා තමයි ඇමරිකාවට පුලුවන් වුනේ කළු ජාතිකයෙක් ජනාධිපති කරගන්නට. අපි මේ රටේ තව අවුරුදු සියයක් ජනාධිපති ක්‍රමය තියාගෙන හිටියත් කිසි දවසක දෙමළ හරි මුස්ලිම් හරි මිනිහෙක්ව ජනාධිපති විදියට තෝරාපත් කර ගන්න,” යැයි සිවිල් ක්‍රියාධර ගාමිණි වියන්ගොඩ ප්‍රශ්න කළේය.
මෙරට සියලු විධායක ජනපතිවරුන් රජවරුන් සේ හැසුරුන බවට චෝදනා කල ගත්කතුවර ගාමිණි වියන්ගොඩ එබැවින් විධායක ජනාධිපති ධුරය නොගැළපෙන බව වැඩි දුරටත් කියා සිටියේය.
Facebook Comments
