විවිධ සමාජ සංවිධාන සහ ආගමික සංවිධාන වල උසස් තනතුරු දරමින් තමන්ගේ මත්ද‍්‍රව්‍ය ව්‍යාපාර වල යෙදන පුද්ගලයන් සම්බන්ධව කරන ලද ප්‍රකාශයෙන් කිසියම් පාර්ශවයක සිත් රිදවීමක් ඇති වූයේ නම් ඒ පිළිබඳව සමාව අයැදින බව මුදල් හා ජනමාධ්‍ය අමාත්‍යවරයා පවසයි.
අදාළ අවස්ථාවේදී වැරදීමකින් රොටරි සහ සිංහ සමාජ පිළිබඳව තමන් කළ සඳහන් කිරීම සම්බන්ධයෙන් කණගාටු වන බව අමාත්‍ය මංගල සමරවීර නිවේදනයක් නිකුත් කරමින් කියා සිටි.
“පළවෙනි පෙලේ කුඩු බිස්නස්කාරයෝ කොහෙවත් නෙමේ ඉන්නෙ හොඳ ලයන්ස් ක්ල්බ් වල රොටර් ක්ල්බ් වල බෞද්ධ සංවිධාන වල සභාපතිවරු හැටියට ප්‍රධාන උපාසක මහත්ම මහත්මියන් හැටියටයි ඒ අය ඉන්නෙ. මම මේ දන්න නිසා කියන්නේ.” යි මංගල සමරවීර අමාත්‍යවරයා ජුලි 13 පැවති මාධ්‍ය හමුවක දී කියා තිබුණි.
විවිධ යටි අරමුණු ඇතිව සමාජ සේවා සංවිධානවලට බැඳෙන සමහර පුද්ගලයින් සිටින බව නොරහසක් බව පෙන්වා දෙන අමාත්‍යවරයා සමාජ සේවා සංවිධානවලින් රට පුරා සිදු කරන පොදු සත්කාර සේවා එවැනි තනි පුද්ගලයින් නිසා කිසිසේත්ම හෑල්ලුවට ලක්නොවන බවයි අවධාරණය කරන්නේ.
සංවිධානවලින් දුප්පත්, අසරණ සහ විශේෂ අවධානයක් යොමු විය යුතු පුද්ගලයින්ට සුවිශාල සේවාවක් සිදුවන බව තමන් පිළිගන්නා බව මුදල් හා ජනමාධ්‍ය අමාත්‍යවරයා නිකුත් කල නිවේදනයේ වැඩි දුරටත් දැක්වේ.
Facebook Comments
