හතලිස් වසරකට වැඩි කාලයක් තිස්සේ අත්හිටුවා තිබු මරණ දණ්ඩයණ ක්‍රියාත්මක කිරීමට ශ්‍රී ලංකා රජය පියවර ගැනීමට යාම සම්බන්ධව තානාපති කාර්යාල කිහිපයක් දැඩි අප්‍රසාදය පල කර තිබේ
විදේශ තානාපති කාර්යල අටක් සහ ශ්‍රී ලංකා යුරෝපා මණ්ඩලය ඒකාබද්ධව ජනාධිපති මෛත්‍රීපාල සිරිසේන වෙත ලිපියක් යොමු කරමින් මරණ දණ්ඩණය ක්‍රියාත්මක කිරීම පිලිබඳව රජයේ නිල ස්ථාවරය විමසා ඇත.
සෑම අවස්ථාවකදීම තමන් මරණය දණ්ඩණයට දැඩිව සහ පැහැදිලිව විරුද්ධ බවට තානාපති කාර්යාල සිය ලිපිය හරහා ජනාධිපතිවරයාට අවධාරණය කල බවයි නිවේදනයක් නිකුත් කරමින් පවසන්නේ.
මරණ දණ්ඩනය මනුෂ්‍යත්වයට නිගරු කිරිමක් බව මෙන්ම එම දඬුවම හරහා කිසිවක් වළක්වා ගැනීමට හැකි බවට සනාථ කල හැකි කිසිඳු තොරතුරුක් නැති බවයි පෙන්වා දෙන්නේ.
විනිශ්චය ක්‍රියාවලියේදී ඇතිවිය හැකි වරදක් මරණයෙන් කෙළවර වීමේ අවධානම පෙන්වා දෙන තානාපති කාර්යාල එවැනි වරදක් යළි නිවැරදි කර ගත නොහැකි බවද අවධාරණය කරයි.
මරණ දණ්ඩණය ක්‍රියාත්මක කිරීම අත්හිටවන ලෙස සහ එම දඬුවමට විරුද්ධ විමේ සම්ප්‍රදාය ඉදිරියටත් පවත්වාගෙන යන මෙන් රාජතාන්ත්‍රික නියෝජිතයින් වැඩි දුරටත් ජනාධිපතිවරයාගෙන් ඉල්ලා ඇත.
Facebook Comments
