ඉහළ යන ඉන්ධන සහ ගෑස් මිළ ගණන් පාලනයට ගත හැකි පියවර පිළිබඳ සාකච්ඡා කිරීම සඳහා ඉන්දීය අගමැතිවරයා සියලුම ඉන්ධන සමාගම්වල නියෝජිතයන් හමුවීමට නියමිතව තිබේ.
අග්‍රාමාත්‍ය නරේන්ද්‍ර මෝදිගේ ප්‍රධානත්වයෙන් මෙම සාකච්ඡාව 15 සඳුදා පැවැත්වෙන බවයි එරට මාධ්‍ය වාර්තා කරන්නේ.
ඉන්දියාව දෛනිකව ඉන්ධන මිළ සංශෝධනය කරන අතර ඊයේ දිනයේදී නැවත වරක් තෙල් මිළ ගණන් වැඩි කර ඇත.
ඒ අනුව පෙට්‍රල් මිල ශ්‍රී ලංකා රුපියල්වලින් 190 ඉක්මවා ඇති අතර ඩීසල් ලීටරයක මිළ සටහන් වූයේ ශ්‍රී ලංකා රුපියල් 175 කට ආසන්න අගයේයි.
මේ අතර ඩොලරයට සාපේක්ෂාව ඉන්දීය රුපියල අව ප්‍රමාණය වීම වැළැක්වීමට ඉන්දීය රජය විසින් දැඩි තීන්දු රැසක් ක්‍රියාවට නංවමින් සිටින බවයි ඉන්දීය මාධ්‍ය පෙන්වා දෙන්නේ.
Facebook Comments
