සැප්තැම්බර් එකොළහ ප්‍රහාරයට වසර 15 යි

0

ලෝක බලවතා ලෙස හඳුන්වන ඇමෙරිකාවට අල්කයිඩා ත්‍රස්ත ප්‍රහාරය එල්ල වී අදට වසර 15 ක් සපිරෙනවා.

සැප්තැම්බර් එකොළහ ප්‍රහාරය නමින් ප්‍රසිද්ධ වූ මෙම ප්‍රහාරය එල්ල වූයේ දෙදහස් එක වසරේ සැප්තැම්බර් එකොළොස් වනදායි.

ඇමෙරිකාවේ නැගෙනහිර වෙරළ තීරයේ සිට කැලිෆෝනියාව බලා පියාසර කළ මගී ගුවන් යානා හතරක් අල්කයිඩා ත්‍රස්තයින් පැහැර ගත්තා. ඉන් යානා දෙකක් ලෝක වෙළෙඳ මධ්‍යස්ථානයේ උතුරු හා දකුණු කුළුණුවල ගැටීමට සැලැස්වූයේ පුපුරණ ද්‍රව්‍යය ද සහිතවයි. පැය දෙකකට ආසන්න කාලයක දී මහල් එකසිය දහයකින් සමන්විත ලෝක වෙළද මධ්‍යස්ථානයේ කුළුණු දෙකම පොළවට පතිතවුණා. ඒ අවට තිබූ ගොඩනැගිලි රැසක් ද මේ හේතුවෙන් විනාශ වී ගියා.

තවත් ගුවන් යානයක් ඇමෙරිකාවේ ආරක්‍ෂක මූලස්ථානය වන පෙන්ටගනයට කඩා වැදුණේ ඉන් අනතුරුවයි. ප්‍රහාරයෙන් එම ගොඩනැගිල්ලේ බටහිර කොටස කඩා වැටුණු අතර පුද්ගලයින් එකසිය අසූ හතර දෙනෙකු මියගියා.

හතරවන ගුවන් යානය වොෂින්ටනය දෙසට පැමිණියත් එය පෙන්සිල්වේනියා හිදී අනතුරට ලක්වුණා. මින් ජීවිත තුන් දහසකට ආසන්න සංඛ්‍යාවක් අහිමි වුණා. සිදු වූ පාඩුව ඩොලර් බිලියන ගණනක් බවයි වාර්තා වුණේ. ත්‍රස්තවාදීන් දහනව දෙනෙකු පැමිණ සිදුකළ ප්‍රහාර අදටත් ඇමෙරිකානුවන්ගේ සිත් තුළ භීතය, ත්‍රාසය මෙන්ම ශෝකය ඇතිකරවන්නක්.

Facebook Comments

wedding people