දේශපාලන සිරකරුවන්ගේ අයීතින් වෙනුවෙන් කොළඹ පැවති විරෝධතාවයක ප්‍රාසාංගික කලා නිර්මාණයක් ඉදිරිපත් කරමින් සිටි කලාකරුවෙකු අත්අඩංගුවට ගැනීමට පොලිසිය අසාර්ථක උත්සාහයක නිරත විය.
නඩු මාරුවට එරෙහිව උපවාසයේ නිරත දේශපාලන සිරකරුවන්ගේ ඉල්ලීම් ඉටු කරන ලෙස බල කරමින් 23 සඳුදා පැවති විරෝධතාවයේ ප්‍රාසාංගික කලා නිර්මාණය ඉදිරිපත් කරමින් සිටි කලාකරුවා අත්අඩංගුවට ගැනීමට පොලිසිය ගත් උත්සාහය සිවිල් ක්‍රියාධාරයන් විසින් ව්‍යාර්ත කළ බව දේශපාලන සිරකරුවන් නිදහස් කර ගැනිමේ ජාතික ව්‍යපාරය පවසයි.
සිය මුහුණ ආවාරණය කර ගනිමින් කලා නිර්මාණය ඉදිරිපත් කරමින් සිටි කලාකරුවාගේ “අනන්‍යතාවය හෙළි නොකල” බව පවසමින් පොලිසිය ඔහු අත්අඩංගුවට ගැනීමට උත්සාහ කරනු සමාජ ඡාලා ඔස්සේ විකාශය කරන ලද විඩියෝ පට වලින් දක්නට ලැබුණි.
දේශපාලන සිරකරුවන් නිදහස් කරන ලෙස බල කරමින් පැවති විරෝධතාවයකදීත් නිර්මාණාත්මකව සිය විරෝධය දැක්වු කලාකරුවා අත්අඩංගුවට ගැනීමට දරන ලද උත්සාහය තුළින් පෙනී යන්නේ යහපාලන රජයට දේශපාලන සිරකරුවන් නිදහස් කිරිමේ ඇති වුවමනාවේ තරම බවයි දේශපාලන සිරකරුවන් නිදහස් කර ගැනිමේ ජාතික ව්‍යපාරයේ සුන්දරම් මහේන්ද්‍රන් චෝදනා කරන්නේ.
“සංහිඳියාව ගැන කතා කරන යහපාලන රජයෙන් දේශපාලන සිරකරුවන් නිදහස් කරන්න කියල ඉල්ලද්දී රටේ ඉහලම අධිකරණය ඉස්සරහ දි තමන්ට විරුද්ධ මතයක් දරන දේශපාලන ක්‍රියාධරයන් පොලිසිය දාලා මර්දනය කරනවා දේශපාලන සිරකරුවන් නිදහස් කරනවා වෙනුවට විරුද්ධ මතධාරින්ට දේශපාලනය කරන්න තියෙන ඉඩ අහුරනවා මේකද යහපාලනය මේකද ජාත්‍යන්තරයට දෙන සංහිඳියා පොරොන්දුව” හෙතෙම ප්‍රශ්න කරයි.
තම නඩු මාරුවට එරෙහිව විසඳුමක් නොලද දේශපාලන සිරකරුවන් වන මදියරසන් සුලක්ෂන්, ගනේෂන් දර්ශන් සහ රාසදුරෙයි තිරුවරුල් 28 වන දිනටත් ක්‍රියාත්මක වේ.
ජනාධිපතිවරයා සමඟ ද විවිධ පාර්ශව මේ සම්බන්ධව සාකච්ඡා කලද ඔවුන් සියලු දෙනාම ජනාධිපතිවරයා සෑහිමකට පත් විය හැකි පිළිතුරක් ලබා නොදුන් බවට චෝදනා කරති.
Facebook Comments
