Shaesta Waiz ඇෆ්ගනිස්ථානයේ ඉපදුණු තරුණියක වන අතර මේ දිනවල ඇය පිළිබඳ මාධ්‍ය අවධානය විශේෂයෙන්ම යොමුවී තිබෙන්නේ ඇෆ්ගනිස්ථානයෙන් බිහිවුණු ළාබාලතම ගුවන් නියමුවරිය ඇය වන බැවිනි.
Waiz සෝවියට් යුද්ධයේ අවසන් සමයේදී ඇෆ්ගනිස්ථානයේ සරණාගත කඳවුරක ඉපදුණු අතර 1987 දී ඇමරිකාවට සංක්‍රමණය වූවාය.
ගුවන් නියමුවරියක ලෙස කටයුතු කිරීමේ දැඩි ආශාවෙන් පසුවුණු ඇය මේ වනවිට ගුවන්නියමු සහතිකය ලබාගනිමින් ඇෆ්ගනිස්ථානයෙන් බිහිවුණු ළාබාලතම ගුවන්නියමුවරිය බවට පත් විය.
ඇෆ්ගන් තරුණියක ලෙස ලොව වෙසෙන අනෙක් තරුණියන් සමග ඇය විඳින මේ නිදහස බෙදාහදාගැනීම Waizගේ අභිලාෂය වී ඇත.
ෆ්ලෝරිඩාවේ Daytona වෙරළෙන් Beechcraft Bonanza A36 යානයෙන් සිය චාරිකාව ඇරඹූ Waiz ස්පාඤ්ඤය, ඊජිප්තුව, ඉන්දියාව, සිංගප්පූරුව හා ඕස්ට්‍රේලියාව ඇතුළු රටවල් 18 කට අධික ප්‍රමාණයක් පසුකරමින් කිලෝමීටර 25,800km කට අධික දුරක් පියාසර කර එළඹෙන අගෝස්තුවේදී නැවතත් ෆ්ලෝරීඩා වෙත ළගාවීමේ බලාපොරොත්තුවෙන් සිටින්නීය. මෙම ගමන අතරතුරදී ස්ථාන 30 ක සිය ගුවන්යානය ගොඩබෑමට නියමිතය.
ඉංජිනේරු උපාධිධාරිනියක වන Waizගේ මෙම ගමනට සහය දක්වන්නේ ජාත්‍යන්තර සිවිල් ගුවන්සේවා සංවිධානය (ICAO) යි. පාසල් ළමුන්ට විද්‍යාව හා අභ්‍යාවකාශ තරණයට කියාදීම ද Waizගේ මෙම ගමනේ අරමුණක් වී තිබේ.
“සිවිල් ගුවන්සේවා අධිකාරිය මීට පෙර අන්කවරදාකත් නොදැක්වූ දැවැන්ත සහයෝගයක් මට ලබාදුන්නා. ඒවගේම මට අරමුණකුත් දී තිබෙනවා. ලොවපුරා සැරිසරන ඇෆ්ගන් කාන්තාවක් විදියට මා මේ කරන නිර්භීත කටයුත්ත ඔවුන් අගය කරනු ඇති බව මගේ අදහසයි.” යැයි කැනඩාවේ මොන්ට්‍රියෙල්හි පිහිටි අල්ජසීරා පුවත් වෙත අදහස් දක්වමින් ඇය පවසන්නීය.
“ගුවන්යානයේ කවුළුවක් අරින හැම මොහොතකම මා මගෙන්ම අහන්නේ, මා ඉපදුණු සමාජ වටපිටාවේ ඉපදී, හැදී වැඩුණු තැනැත්තියක ලෙස මං අතිශය වාසනාවන්ත නොවේද ? යන්නයි. කාටවුණත්, මා විය හැකියි යන්න හැබෑවක්‘Dreams Soar නමින් පවත්වාගෙන යනු ලබන ඇගේ පුණ්‍යාධාර සංවිධානය හා එහි වෙබ් අඩවිය පිළිබඳ අදහස් දක්වමින් Waiz පැවසුවාය.
ICAO සංඛ්‍යා ලේඛන වලට අනුව වාණිජ ගුවන්යානා වලින් 5 % ක ප්‍රතිශතයක් පදවන්නේ ගුවන්නියමුවරියන්ය.
“කවුරු, කුමන සමාජ මට්ටමකින් පැවත ආවත් කෙලෙසක, කෙදිනක හෝ ඔවුන්ගේ බලාපොරොත්තු ඉටුකරගත හැකිවනු ඇත. එය අප කොහේ සිට පැමිණියත් අපට වුවමනා තැනට යා හැකි බව පිළිබිඹු කරන හොඳම උදාහරණයකි” ICAOහි සැලසුම්, සහය හා ක්‍රියාමාර්ගික අංශයේ ප්‍රධානියා වන Michiel Vreedenburgh අල්ජසීරා වෙත අදහස් දක්වමින් ප්‍රකාශ කළේය.
Facebook Comments
