ජනපතිකම එපා කී බෑන් කී මූන්

0

එක්සත් ජාතීන්ගේ හිටපු මහ ලේකම් බෑන් කි මුන් සිය මව් රට වූ දකුණු කොරියාවේ ජනාධිපති අපේක්ෂකත්වය ප්‍රතික්ෂේප කර ඇත.

වර්තමාන දේශපාලනයේ පවතින ආත්මාර්ථකාමී පිළිවෙත් පිළිබඳව තමන් වෙත ඇති කනස්සල්ල හේතුවෙන් ජනපති අපේක්ෂකත්වය ප්‍රතික්ෂේප කල බවයි මූන් පවසන්නේ.

කොරියාවේ දේශපාලන වෙනස්කම් කිරීමට තමන් සතුවූ දේශ හිතෛෂී භාවය තමන් වෙතින් ඉවත්වී ඇති බවද හෙතෙම එහිදී අවධාරණය කල බවයි විදෙස් මාධ්‍ය වාර්තා කරන්නේ.

කොරියාවේ පාර්ලිමේන්තුවේ දී කොන්සවර්ටිව් පක්ෂ නායකයන් මුණගැසීමෙන් අනතුරුව බදාදා (01) මාධ්‍ය වෙත අදහස් දක්වමින් එක්සත් ජාතීන්ගේ හිටපු මහ ලේකම් මේ බව ප්‍රකාශ කර තිබේ.

කෙසේ වෙතත් ජනාධිපතිවරණයට තමන් තරග වදින බවට නිල වශයෙන් ප්‍රකාශයක් නොකළද කොරියානු ජනාධිපතිනි පාර්ක් ගුවෙන්හේ ගේ දුෂණ අර්බුදය හමුවේ බෙදී වෙන් වී ඇති රට නැවත එක්සත් කිරීමට වැඩකිරීමට බලාපොරොත්තුවන බව සම්මුඛ සාකච්ඡා කිහිපයකදීම එක්සත් ජාතීන්ගේ හිටපු මහ ලේකම් බෑන් කි මුන් ප්‍රකාශ කර තිබුණි.

Facebook Comments