ඕස්ට්‍රේලියාවේ සිටින ශ්‍රී ලංකා හා ඉන්දියානු සරණාගතයින් පුරුත්ථාපනය කිරීමට පියවර

ඕස්ට්‍රේලියාව, ශ්‍රී ලංකා හා ඉන්දියානු රජයන් සමග සම්බන්ධ වෙමින් සිය උපන්බිමට නැවත යාමට කැමති සරණාගතයින් පුරුත්ථාපනය කිරීමට පියවර ගෙන ඇත.

ඕස්ට්‍රේලියාව මෙම ක්‍රියාමාර්ගය ගෙන තිබෙන්නේ මුහුදු සීමාවන් වලදී සිදුවන පුද්ගල ජාවාරම් වැළැක්වීමට ගන්නා පියවරයන්හි  ප්‍රතිඵලයක් ලෙස බවයි  Australian Border Force හි කමිෂනර් Roman Quaedvlieg පසුගිය 19 වන සිකුරාදා  ප්‍රකාශ කලේ.

‘පසුගිය සමයේදී තමිල්නාඩුවට පලාගිය ලාංකිකයින් 100,000 කට ආසන්න පිරිසක් සිටිනවා. ඉන් බොහෝ දෙනෙකුට සිය රට වෙත නැවත යෑමේ වුවමනාවක් තිබෙනවා. ඉන්දියාව හා ශ්‍රී ලංකාව සමග සාකච්ඡා කරමින් මේ පිරිස නැවත සිය රටට යැවීමේ වගකීම අප සතුවී තිබෙනවා‘

ඔහු ඇතුළු බලකාය ඉන්දියානු වෙරළාරක්ෂක බලකාය සමග එක්වී තමිල්නාඩුවේ සිටින ශ්‍රී ලාංකීය ඩයස්පෝරාව ඕස්ට්‍රේලියාවට පැමිණීමට දරන ජාවාරම් මැඩලීමට ක්‍රියාකාරීව කටයුතු කරන බව දක්වයි.

නීති විරෝධී ලෙස ඕස්ට්‍රේලියාවට සංක්‍රමණය වීමට දරන වෑයම් මැඩලීමට මේ වනවිට එරට රජය ඩොලර් මිලියන 1-2 ක අතර වියදමක් පසුගිය දෙවසරක කාලය තුළ දරා ඇත.

‘මේ පිරිස ශ්‍රී ලංකාවට ගමන් කිරීමට පසු ඔවුන්ගේ පුනරුත්ථාපන කටයුතු සඳහා මුදල් නැවත ගිය බව සහතික කිරීමට අප දැනගත යුතුයි.‘ ඔහු පැවසුවේය.

මෙම පුනරුත්ථාපන කටයුතු පසුගිය 6 මසක කාලය තුළ සාකච්ඡාවට ලක්වූ බවත් එළඹෙන මාස කිහිපයේදී මෙහි ක්‍රියාකාරී කටයුතු සිදුවන ඇති බවත් Quaedvlieg කියා සිටී.

පසුගිය බ්‍රහස්පතින්දා දිනයේදී තමිල්නාඩුවේ සංචාරය කළ ඔහු චෙන්නායිහි බලධාරීන් සමග සාකච්ඡා සිදුකළේය.

ඔහුගේ මේ සංචාරයේ අරමුණ වූයේ නැවත පදිංචි කිරීමේ කටයුතු සිදුකිරීම හා ත්‍රස්තවාදය මුලිනුපුටා දැමීමේ කටයුතු පිළිබඳ සාකච්ඡා කිරීමයි.

Quaedvlieg සඳහන් කරන ආකාරයට වැඩිම අනවසර සංක්‍රමණිකයින් පිරිසක් පැමිණුනු වසර 2013 වූ අතර ඉන් පසු ඕස්ට්‍රේලියානු රජය සිය ස්වෛරී දේශසීමා මෙහෙයුම් දැඩි කරන්නට වූවේය.