කොරෝනා කාලේ දුරින් හිඳීමේ නීති කැඩුවොත් ලක්ෂ භාගයක් දඩ

0
556
Ivory Agency Sri Lanka
wedding people

කෝවිඩ් 19 වෛරස වසංගතය පැතිරෙන කාලය තුළ දුරස් වී හිඳීම සඳහා පනවා ඇති නීති කඩන්නන්ට ඩොලර් ලක්ෂ භාගයක් දක්වා දඩ ගැසීමට හැකි පනතක් බටහිරදිග කැනඩාවේ නගර සභාවක් විසින් ඒකමතිකව සම්මත කරගෙන තිබේ.

එම යෝජනා සම්මතය සඳහා වැන්කුවර් නගර සභාව රැස්වී ඇත්තේ අන්තර්ජාල තාක්ෂනය යොදා ගනිමිනි.

නගරයේ හදිසි තත්වයන් සම්බන්ධයෙන් වන අතුරු නීති සංශෝධනය සඳහා ඡන්දයක් විමසීමට සඳුදා මේ සතිය මුල රැස්වූ අවස්ථාවේ, විශාල කණ්ඩායම් වශයෙන් රංචු ගැසීම හෝ මීටර් දෙකක දුරස්ථභාවය පවත්වාගෙන යාමට පියවර නොගැනීම සම්බන්ධයෙන් ඕනෑම අයකුට එරෙහිව දඩ මුදල් නියම කිරීමේ බලය නාගරික නීති නිලධාරීන්ට ලබා දෙන ලද බව කැනඩාවේ ජනමාධ්‍ය වාර්තා කරයි.

මෙම සංශෝධන අතරට, හදිසි රෙගුලාසි වලට අනුව ක්‍රියා නොකරන ව්‍යාපාර සම්බන්ධයෙන් ඇමරිකානු ඩොලර් 50,000 ක් තරම් විශාල දඩ මුදල් නියම කිරී⁣මට අවශ්‍ය සංශෝධන ද ඇතුලත් කර තිබේ.

තනි පුද්ගලයින් හට, වැන්කුවර් ප්‍රඥප්තිය යටතේ වන උපරිම දඩ මුදල වන ඩොලර් 1,000/- දක්වා දඩ මුදල් නියම කිරීමට මෙම නීති ක්‍රියාත්මක කරන නිලධාරීන් හට බලය පැවරේ.

දැනුවත් කිරීම

නාගරික කළමනාකරු සධූ ජොන්ස්ටන් ප්‍රකාශ කර සිටියේ, එසේ වුවද, “දැඩි පියවරක්” ගැනීමට වඩා සමාජ දුරස්ථභාවය සම්බන්ධයෙන් මහ ජනතාව දැනුවත් කිරීම තුළින් තත්වය පාලනය කිරීමට වැඩි කැමැත්තක් දක්වන බවයි.

නමුත් අවශ්‍ය වුවහොත් දඩ නියම කිරීමේ බලතල භාවිත කරන බව ජොන්ස්ටන් ප්‍රකාශ කර සිටියේය.

ජොන්ස්ටන් තවදුරටත් ප්‍රකාශ කර සිටියේ පසුගිය සති අන්තය තුළ නාගරික නීති නිලධාරීන් විසින් ව්‍යාපාර 1,600 ක් පමණ පරීක්ෂාවට ලක් කළ අතර, මෙම නීතිය නිසිලෙස පිලිනොපැදීම සම්බන්ධයෙන් වන නියෝග ගණනාවක් කර ඇති බවයි.

සියලුම එලිමහන් ක්‍රීඩාපිටි ඇතුළුව බොහෝ උද්‍යාන හා මුහුදු වෙරළ අසල වන නගරයේ රථ ගාල් වැන්කුවර් උද්‍යාන මණ්ඩලය විසින් වසා දමා තිබේ. නමුත් උද්‍යාන තවමත් මහජනයා සඳහා විවෘතව පවතී.

Facebook Comments