අවුරුද්දකට ඉහතදී සිදුකළ පාස්කු බෝම්බ ප්‍රහාරයට සැකපිට රහස් පොලිසිය විසින් අත් අඩංගුවට ගන්නා ලද ලේඛකයකු හා සිවිල් ක්‍රියාධරයකු වන ප්‍රකට මුස්ලිම් නීතිඥයා නිදහස් කරන්නයි ඉල්ලා රටේ ඉහලම උසාවියට හබයස්කෝපුස් පෙත්සමක් ඉදිරිපත් වී තිබේ.
නීතිඥ හෙජාස් හිස්බුල්ලා කිසිදු පදනමකින් තොරව අත් අඩංගුවට ගෙන සාධාරණ හේතුවකින් තොරව රඳවා සිටින බැවින් ඔහු මුදා හරින ලෙස ඔහුගේ පියා සහ සහෝදරයා ශ්‍රේෂ්ඨාධිකරණයට ඉදිරිපත් කරන ලද පෙත්සම් මගින් ඉල්ලා ඇත.
වැඩ බලන පොලිස්පතිවරයා, රහස් පොලිස් අධ්‍යක්ෂකවරයා සහ නීතිපතිවරයා මෙම පෙත්සම් වල වග උත්තර කරුවන් ලෙස නම් කර තිබේ.
නීතිඥ හෙජාස් හිස්බුල්ලා, හිටපු අමාත්‍ය රිෂාඩ් බදියුදීන් ගේ සහෝදරයකු සහ නම් නොකළ රේගු නිලධාරියකු ඇතුළු හය දෙනකු අපරාධ පරීක්ෂණ දෙපාර්තමේන්තුව විසින් අප්‍රේල් 14 දා අත් අඩංගුවට ගන්නා ලද්දේ “අලුත් මුහුණුවරකින්” විමර්ශන කටයුතු ආරම්භ කිරීමෙන් අනතුරුව බව පොලිසිය පවසයි.
අපරාධ පරීක්ෂණ දෙපාර්තුමේන්තුවේ රඳවා සිටින හෙජාස් හිස්බුල්ලා හට නීතිඥ සහාය ලබා ගැනීමට අවසර ලබා දෙන ලෙසද පෙත්සම්කරුවෝ ඉල්ලා සිටිති.
Facebook Comments
