දේශපාලන සිරකරුවන්ගේ නඩු මාරු කිරීම “සිම්පල් මැටර්” (VIDEO)

0

අනුරාධපුර මහාධිකරණයට ඒවා ඇති දේශපාලන සිරකරුවන් තුන්දෙනකුගේ නඩු වවුනියාවට මාරුකර යැවීම ඉතා පහසු කටයුත්තක් බව උතුරේ දේශපාලන නායකයෝ ජනාධිපතිවරයාට පවසා තිබේ.

“ඉට් ඉස් අ සිම්පල් මැටර්” යනුවෙන් ඊපී ආර් එල් එෆ් නායක සුරේෂ් ප්‍රේමචන්ද්‍රන් ජනාධිපතිවරයාට කියා සිටියේය.

යාපනයේ ජාතික දෙමළ සාහිත්‍ය උළෙලට සහභාගි වීමට ගිය ජනාධිපතිවරයා යාපනය හින්දු විද්‍යාලය අසල කළු කොඩි රැගෙන විරෝධතාවයේ නිරත සිටි විරෝධතාකරුවන් හමුවු අවස්ථාවේ ඔහු මේ බව පැවසීය.

වවුනියාවේ සිට අනුරාධපුරයට යවන ලද දෙමළ දේශපාලන සිරකරුවන් තිදෙනකුගේ නඩු ආපසු වවුනියා අධිකරණයට ගෙන මෙන් සහ දේශපාලන සිරකරුවන් නිදහස් කරන ලෙස බල කරමින් මෙම විරෝධතාවය පැවතුනි.

වවුනියාවේ සිට අනුරාධපුරයට යවන ලද දෙමළ දේශපාලන සිරකරුවන් තිදෙනකුගේ නඩු ආපසු වවුනියාවට යැවීම හදිසි කාරියක් ලෙස කඩිනමින් මැදිහත් වී කළ හැකි දෙයක් බව ඔවුහු එහිදී පෙන්වා දුන්හ.

දින විස්සක් තිස්සේ තම නඩු නැවත වවුනියාවට මාරු කරන ලෙස ඉල්ලා සිටින මදියරසන් සුලක්ෂන්, ගනේෂන් දර්ශන් සහ රාසදුරෙයි තිරුවරුල් තිදෙනා උපවාසයක නිරතව සිටී.

Facebook Comments