ඡන්ද රාජකාරි කළ ගුරුවරුන්ට තුන් මාසයකින් සල්ලි ගෙවා නෑ

0
1

තුන් මාසයකට ඉහතදී පාර්ලිමේන්තු මැතිවරණ රාජකාරි වල නිරත වූ ගුරුවරුනට මේ දක්වා අදාල ගෙවීම් සිදු කර නොමැති බවට චෝදනා කරන ලංකාවේ ප්‍රමුඛතම ගුරු සංගමයක් එම දීමනා කඩිනමින් ලබා දීමට කටයුතු යොදන ලෙස මැතිවරණ කොමිසමේ සභාපතිවරයාගෙන් ලිඛිතව ඉල්ලා තිබේ.

නිවේදනයක් නිකුත් කරමින් ලංකා ගුරු සංගමය පවසන්නේ 2020 පාර්ලිමේන්තු මැතිවරණය 2020 අගෝස්තු 05 දින පැවතිය ද මැතිවරණ රාජකාරිවල නිරත ගුරු සහ විදුහල්පතිවරු පිරිසකට අදාළ ගෙවීම් මේ දක්වා සිදු කර නොමැති බවයි.

“විශේෂයෙන්ම කොළඹ, කැලණිය ඇතුළු අධ්‍යාපන කලාප ගණනාවකට අයත් පාසල්වල මැතිවරණ රාජකාරිවල නිරත ගුරුවරුන්ට සහ විදුහල්පතිවරුන්ට මෙලෙස අදාළ දීමනා තවමත් ලබාදී නැති අතර මැතිවරණ කොමිසම හා කලාප අධ්‍යාපන කාර්යාල එකිනෙකාට වරද පටවමින් සිටින තත්වයක් උද්ගත වී ඇත,” යි ලංකා ගුරු සංගමයේ ප්‍රධාන ලේකම් ජෝසප් ස්ටාලින් නොවැම්බර් 2 සඳුදා නිකුත් කළ නිවේදනයේ වැඩි දුරටත් සදහන්ය.

මැතිවරණය පවත්වා පාර්ලිමේන්තු මන්ත්‍රීවරුන් තෝරාගෙන පාර්ලිමේන්තුව රැස්වී පාර්ලිමේන්තු කටයුතු පවත්වාගෙන යන තත්වය තුළ කෝවිඩ් 19 අවදානම තුළ පවා රාජකාරි ඉටු කළ මෙම නිලධාරීන්ට අදාළ මැතිවරණ රාජකාරි දීමනා ලබා නොදී කලාප අධ්‍යාපන කාර්යාල හා මැතිවරණ කොමිසම කල්මැරීම බරපතල කනගාටුදායක තත්වයක් බවයි ගුරු සංගම් නායකයා වැඩි දුරටත් පවසන්නේ.

මෙම තත්වය තුළ මෙම නිලධාරීන්ට අදාළ දීමනා කඩිනමින් ලබාදීමට කටයුතු යොදන ලෙස ලංකා ගුරු සංගමය වගකිවයුත්තන්ට බල කර සිටී.

Facebook Comments

wedding people