උතුර ඉඩම් ඉල්ලද්දී දකුණට අත දිගහැර බෙදයි

0
File Photo

රජයේ හමුදා විසින් අත්පත් කරගෙන සිටින තම මුල් භුමියේ අයිතිය ඉල්ලා උතුරේ ස්ථාන කිහිපයකම ජනතාව කලක් තිස්සේ විරෝධතා දියත් කරමින් පවතිද්දී යහපාලන රජයට වසර තුනක් පිරීම නිමිත්තෙන් වෙනත් දිස්ත්‍රික්ක වල ජනතාවට ඉඩම් ඔප්පු බෙදා දීමට රජය තීරණය කර තිබේ.

මැතිවරණ පොරොන්දුවක් ලෙස ලබාදුන් දස ලක්ෂයකට ඉඩම් ඔප්පු ලබාදීමේ ජාතික වැඩසටහන ආරම්භ කරමින් සහ යහපාලන රජයට තුන් වසරක් සපිරීම නිමිත්තෙන් ඉඩම් ඔප්පු පිරිනැමීම සිදු කරන පළාත් ලැයිස්තුවක් ඉඩම් හා පාර්ලිමේන්තු ප්‍රතිසංස්කරණ අමාත්‍ය සහ ආණ්ඩු පක්ෂයේ ප්‍රධාන සංවිධායක ගයන්ත කරුණාතිලක විසින් ප්‍රකාශයට පත් කරන ලදී.

“අගෝස්තු 16 වැනිදා සවස රත්නපුරයේ දී ඉඩම් ඔප්පු බෙදා දීමේ උත්සවයක් පවත්වනවා. 17 වැනිදා මොණරාගල ජනතවට ඉඩම් ඔප්පු ලබාදීමේ උත්සවය සියඹලාණ්ඩුව ප්‍රදේශයේ දී අගමැතිතුමාගේ ප්‍රධානත්වයෙන් පවත්වනවා. අගෝස්තු 18 දින මාතර ජනතාවට ඉඩම් ඔප්පු ලබාදීම පස්ගොඩ දී පවත්වනවා. 19 දින පෙරවරුවෙ කෑගල්ල දිස්ත්‍රික්කයේ තවත් ඉඩම් ඔප්පු බෙදා දීමක් අග්‍රාමාත්‍යතුමාගේ ප්‍රධානත්වයෙන් පවත්වනවා. 21 දින ගාල්ල දිස්ත්‍රික්කයේ බද්දේගම දී එවැනි උත්සවයක් සංවිධානය කර තිබෙනවා.” යි අමාත්‍යවරයා කියා සිටියේය.

ජනාධිපතිවරයාගේ ප්‍රධානත්වයෙන් තවත් දිස්ත්‍රික්ක ගණනාවක ඉඩම් ඔප්පු ලබාදීම සංවිධානය කර තිබෙන බව කී අමාත්‍යවරයා ඉදිරි වර්ෂ දෙක වන විට මැතිවරණ පොරොන්දුව ඉටු කරමින් ඉඩම් ඔප්පු බෙදා දීමේ ජාතික වැඩසටහන ඉලක්කය කරා ගමන් කිරීමට කටයුතු කරන බවයි වැඩි දුරටත් පෙන්වා දෙන්නේ.

Facebook Comments

wedding people