මඩු දේවස්ථානය සංහිඳියාවේ සංකේතයක් – අගමැති

0

මඩු දේවස්ථානය රටේ ප්‍රධාන ආගමික සිද්ධස්ථානයක් පමණක් නොව එය සංහිඳියාව ගොඩනගන ප්‍රධානතම ස්ථානයක් වන බව අගමැතිවරයා පවසා තිබේ.

යුද්ධය පැවැති කාලයේදීත් රටේ සියලූම දෙනාට මඩු පල්ලියේ පිහිට ආරක්ෂාව ලැබුණු කී අගමැති රනිල් වික්‍රමසිංහ භේදයකින් තොරව ලක්වාසීන් පැමිණෙන සංහිදියාවේ මධ්‍යස්ථානයක් ලෙස මඩු දේවස්ථානය හැදින්විය හැකි බව 15 බදාදා මඩු දේවස්ථානයේදී කියා සිටියේය.

ප්‍රධාන ආගමික විශ්වාසයක් සහිත ස්ථානයක් පමණක් නොව සංහිදියාවේ මධ්‍යස්ථානයක් ලෙසද මෙම මඩු දේවස්ථානය හැදින්විය හැකියි. වසර 30 ක යුද්ධයකින් අප අතර ගැටුම් ඇති වූ අවස්ථා තිබුණා. අපි එකිනෙකා මරා ගත් අවස්ථා තිබුණා. එසේ නම් මෙවැනි උත්සව හරහා අපිට සංහිදියාව ඇති කර ගැනීමට හැකියාව තිබෙනවා. යි අගමැතිවරයා ප්‍රකාශ කළේය.

උතුරේ මඩු දේව මංගල්ලය මෙන්ම දකුණේ කතරගම පෙරහැර ද සංහිඳියාවට වැදගත් බව පෙන්වා දුන් අගමැතිවරයා එම උත්සව දෙක ආගම් භේදයකින් තොරව උතුරේ ජනතාව දකුණටත්, දකුණේ ජනයා උතුරට පැමිණෙන අවස්ථා ලෙස හැඳින්වා දුන්හ.

“මෙවැනි උත්සව දෙකක් මේ මාසයේ තිබෙන බව සිහිපත් කළ යුතුයි. ඉන් එකක් උතුරේ මෙම මඩු දේව මෙහෙයයි. දෙවැන්න දකුණේ කතරගම පෙරහැර සමයයි. උතුරේ සිට ජනතාව කතරගමටත්, දකුණේ සිට ජනතාව උතුරටත් පැමිණෙනවා. එහිදී බෞද්ධ, හින්දු, ක්‍රිස්තියානි භේදයක් නැහැ.”

අග්‍රාමාත්‍යවරයා සමඟ, සංචාරක සංවර්ධන හා ක්‍රිස්තියානි ආගමික කටයුතු අමාත්‍ය ජෝන් අමරතුංග, සංචාරක සංවර්ධන හා ක්‍රිස්තියානි ආගමික කටයුතු රාජ්‍ය අමාත්‍ය රංජිත් අලූවිහාරේ, ජාතික ප්‍රතිපත්ති හා ආර්ථික කටයුතු රාජ්‍ය අමාත්‍ය නිරෝෂන් පෙරේරා, පාර්ලිමේන්තු මන්ත්‍රී රවී කරුණානායක ප්‍රමුඛ මැති ඇමැතිවරුන් මේ අවස්ථාවට සහභාගී විය.

Facebook Comments

wedding people