ඉතාලියේ ජෙනෝවා නුවර පිහිටි පාලමක් කඩා වැටීමෙන් අවම වශයෙන් පුද්ගලයින් තිස් පස් දෙනෙකු මිය යන්නට ඇති බවට එරට බලධාරින් ප්‍රකාශ කර තිබේ.
මෙලෙස කඩා වැටී ඇත්තේ පෘතුගාලය සහ නැගෙනහිර තුර්කිය සම්බන්ධ කෙරෙන ප්‍රමුඛතම පාලමක් වන අතර එය උසින් මීටර් 100 ක් පමණ වන බවයි ඉතාලි මාධ්‍ය වාර්තා පවසන්නේ.
අදාල පාලම 1960 වර්ෂයේදී ඉදිකර ඇති අතර 2016 වර්ෂයේ දී එය තවත් පුළුල් කරමින් අළුත්වැඩියා කටයුතු සිදුකර තිබුණි.
පාලම කඩා වැටීමට හේතුව මෙතෙක් අනාවරණය වී නොමැති අතර පාලමේ කොටසක් පමණක් මේ වන විට ඉතිරි වී ඇති බවයි මාධ්‍ය වාර්තා කරන්නේ.
සිද්ධියෙන් පසු ඉතාලියේ ප්‍රවාහන අමාත්‍යවරයා සහ පාලමේ කටයුතු බාර සමාගමේ ඉහල කළමණාකාරිත්වය සිය ධුරයන්ගෙන් ඉල්ලා අස්වී ඇති බව ද විදෙස් මාධ්‍ය වැඩි දුරටත් කියා සිටි.
Facebook Comments
