ලබන අගෝස්තු මාසය වන විට ඒකාබද්ධ විපක්ෂයේ දේශපාලන ආයු කාලය අවසන් වන බව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න පවසයි.
ඒකාබද්ධ විපක්ෂය යහපාලන රජයට කුමන චෝදනාවක් එල්ල කළ ද එය ඔවුන් වෙත යළි ගමන් කරන බවට සෞඛ්‍ය අමාත්‍යවරයා කියා සිටියේ ඊයේ (05) අස්ගිරි පාර්ශ්වයේ මහානායක අතිපුජ්‍ය වරකාගොඩ ශ්‍රී ඥානරතන නාහිමියන් සහ මල්වතු පාර්ශ්වයේ මහනායක අතිපුජ්‍ය තිබ්බටුවාවේ ශ්‍රි සිද්ධාර්ථ සුමංගල නාහිමියන් බැහැදැකීමෙන් අනතුරුව මාධ්‍ය අමතමිනි.
ඒකාබද්ධ විපක්ෂයේ ඇතැම් පුද්ගලයින් විසින් සිදු කළ වංචා දුෂණවලට අගෝස්තු මාසය වන විට නියත වශයෙන්ම දඩුවම් ලැඛෙන බවට විශ්වාසය පළකරන සෞඛ්‍ය අමාත්‍යවරයා ප්‍රකාශ කළේ රට සක්‍රීක තත්ත්වයට ගෙන ඒමට වත්මන් රජය කටයුතු කරන බවයි.
පාතාලය මර්දනය කිරීමට දැඩි ක්‍රීයාමාර්ග ගැනීමට සිදු වන ඇති බවටද අමත්‍යවරයා මෙහිදී කියා සිටියේය.
සුව ඇමතිගේ විප්ලවය
ඉතිහාසයේ කිසිදු සෞඛ්‍ය අමාත්‍යවරයෙකු නොකළ ආකාරයට ඖෂධ මිල අඩු කරමින් රාජිත සේනාරත්න අමාත්‍යවරයා විප්ලවීය වෙනසක් සිදු කළ බව අස්ගිරි පාර්ශ්වයේ ලේඛකාධිකාරි අතිපුජ්‍ය මැදගම ධම්මානන්ද හිමියන් පැවසීය.
අස්ගිරි පාර්ශ්වයේ මහ නායක හිමියන් බැහැදුටු සෞඛ්‍ය අමාත්‍යවරයාට උන්වහන්සේ මේ බව ප්‍රකාශ කර ඇත.
මාලඹෙි පෞද්ගලික වෛද්‍ය විද්‍යාලය සම්බන්ධයෙන්ද මෙහිදී අවධානය යොමු වී ඇති අතර ඉදිරියේ දී ගැටළුවක් ඇති නොවන අයුරින් එම ප්‍රශ්ණය විසදන බව සෞඛ්‍ය අමාත්‍යවරයා එහිමියන් වෙත ප්‍රකාශ කර තිබේ.
Facebook Comments
