ලංකාවේ වසරකට අඩු වයස් ගැබි ගැනීම් පහලොස් දහස ඉක්මවයි

0

ශ්‍රී ලංකාවේ වසරකට ළමා ගැබිනියන් 15,000 පමණ වාර්තා වන බවට ලෝක ජනගහන අරමුදල පවසයි.

ලංකාව තුළ වසරකට සිදු වන දරු උපත් සංඛ්‍යාවෙන් 5%ත් 7% අතර ප‍්‍රමාණයක් වයස අවුරුදු 19ට අඩු දැරිවියන් විසින් බිහි කරනු ලබන දරුවන් බවයි එම සංවිධානය පෙන්වා දෙන්නේ.

‘ලිංගික හා ප‍්‍රජනන හිමිකම් සහ ජනමාධ්‍ය කාර්යභාරය’ යන තේමාව යටතේ ලෝක ජනගහන අරමුදල විසින් මාධ්‍යවේදීන් වෙත කළ වැඩමුළුවකදී මේ බව අනාවරණය විය.

වසර ගණනාවක් තිස්සේ උත්සාහ කළත් පාසල් දරුවන්ට ලිංගික අධ්‍යාපනය ප‍්‍රමාණවත් පරිදි ලබාදීමට අධ්‍යාපන අමාත්‍යාංශය එකඟ කර ගත නොහැකි වී ඇති බවයි එම අවස්ථාවට එක් වු වෛද්‍ය දයානාත් රණතුංග චෝදනා කර සිටියේ.

වසරකට ගැහැණු දරුවන් 15,000ක් දරුවන් බිහි කරන නමුත් උපත්පාලන කොපු පිළිබඳවවත් පෙළපොත්වලට ඇතුළත් කිරීමට නොහැකි වීම කණගාටුවට කරුණක් බව පවසන වෛද්‍යවරයා ඉදිරියේදී මේ තත්ත්වය වැඩි විය හැකි බවටද අනතුරු ඇඟවිය.

Facebook Comments