විදේශීය සම්බන්ධතා මත කටයුතු කරන ඇතැම් රාජ්‍ය නොවන සංවිධාන කියන අන්දමට ආණ්ඩු කිරීමට ත්‍රීවිධ හමුදා සාමාජිකයින්ට චෝදනා පත‍්‍ර ගෙන ඒමට හෝ නඩු ඇසීමට තමා සූදානම් නොමැති බවට ජනාධිපති මෛත්‍රීපාල සිරිසේන ප්‍රකාශ කර තිබේ.
උතුරේ යුද්ධයේදී සිදු වු යුද අපරාධ සම්බන්ධව නඩු විභාග කිරීමට විදෙස් විනිසුරන් අවශ්‍ය නොවන බවට කියා සිටි ජනාධිපතිවරයා විදෙස් විනිසුරුවරුන් ගෙන්වා නඩු ඇසිය යුතු බවට පසුගියදා එක්සත් ජාතින්ගේ මානව හිමිකම් කොමසාරිස්වරයා කරන ලද යෝජනාව තමා තරයේ ප‍්‍රතික්ෂේප කළ බවයි ජනාධිපති මාධ්‍ය ඒකකය පවසන්නේ.
සංහිඳියාව ඇති කිරීමට මහජන අදහස් විමසීම සඳහා පත් කරන ලද සංහිඳියාව උදෙසා වන ප්‍රවිචාරණ කාර්ය සාධක බලකාය සිය නිර්දේශ මඟින් යුද අපරාධ ෙසවීම සඳහා පිහිටුවන අධිකරණයට එක් විදෙස් විනිසුරුවරයෙක් හෝ සම්බන්ධ කර ගන්නා ලෙස නිර්දේශ කර තිබු අතර එය එක්සත් ජාතින්ගේ මානව හිමිකම් කොමසාරිස්වරයාගේ ප්‍රසාදයට ලක් විය.
මුදල් පසුපස හඹා යන ඇතැම් රාජ්‍ය නොවන සංවිධානත් පටු දේශපාලන අරමුණ මුදුන් පත් කර ගැනීම උදෙසා කටයුතු කරන විරුද්ධවාදී දේශපාලන බලවේගත් කුමන චෝදනා එල්ල කළද මේ රටේ රණවිරුවන්ගේ ප‍්‍රධාන ආරක්ෂකයා තමා බව කියා සිටින ජනාධිපතිවරයා ඔවුන්ගේ ගෞරවයට හානිවන කිසිදු ආකාරයේ ක්‍රීයාකාරකමකට තම ධූර කාලය තුළ ඉඩ නොලැබෙන අවධාරණය කළේය.
දේශීය සහ විදේශීය වශයෙන් රජයට කුමන ආකාරයේ චෝදනා එල්ල කළද කුමන ආකාරයේ සැළසුම් දියත් කළද මාතෘ භූමියේ නිදහස, ස්වාධීනත්වය මෙන්ම භෞමික අඛණ්ඩතාවය ආරක්ෂා කරමින් ශ්‍රී ලංකා ආණ්ඩුක‍්‍රම ව්‍යවස්ථාව තුළ රටේත්, ජනතාවගේත් ආරක්ෂාව උදෙසා ඉටුකළයුතු සියලූ වගකීම් ඉටුකරන බව ට ජනාධිපති මෛත්‍රීපාල සිරිසේ කියා සිටියේ ඊයේ (04) පෙරවරුවේ පලාලි ගුවන් හමුදා ක`දවුරේ නිරීක්ෂණ චාරිකාවක නිරතවීමෙන් අනතුරුව එම පරිශ‍්‍රයේදී ති‍්‍රවිධ හමුදා සහ පොලිස් සාමාජිකයින් අමතමිනි.
Facebook Comments
