එක්සත් ජාතීන්ගේ ප්‍රධානියාගෙන් මංගලට පොරොන්දුවක්

0
451
wedding people
Loading...

ශ්‍රී ලංකාවේ සංහිඳියාව සහ තිරසර සංවර්ධන ඉලක්ක ජයගැනීම සඳහා අඛණ්ඩව සහය දෙන බවට එක්සත් ජාතීන්ගේ සංවිධානයේ මහ ලේකම්වරයා මෙරට මුදල් ඇමැතිවරයාට සහතික වී ඇත.

ජගත් මහලේකම් අන්තෝනියෝ ගුටේරස් මේ බව ප්‍රකාශ කර ඇත්තේ ඇමරිකාවේ සංචාරයක නිරත අමාත්‍ය මංගල සමරවීර හමුවු අවස්ථාවේ දීය.

මෑත කාලීනව පැවති දේශපාලන අර්බුද විසඳ ගැනීම සම්බන්ධයෙන් සිය අවධානය යොමු කර ඇති මහ ලේකම් අන්තෝනියෝ ගුටේරස් 1978 සිය ප්‍රථම ශ්‍රී ලංකා සංචාරය පිළිබඳවද සිහිපත් කර තිබේ.

එක්සත් ජාතීන්ගේ සංවිධානයේ ආර්ථික හා සමාජ කවුන්සිලය අන්තෝනියෝ ගුටේරස් පසුගිය 16 වැනිදා කැඳවා තිබුණ අතර අමාත්‍ය මංගල සමරවීර එයට සහභාගී වී තිබුණි.

මෙම සංචාරයට සමගාමීව මුදල් අමාත්‍ය මංගල සමරවීර සහ යුනිසෙෆ් සංවිධානයේ ප්‍රධානී හෙන්රියෙටා එච් ෆෝර් අතර සාකච්ඡාවක්ද නිව්යෝර්ක් නගරයේදී පවත්වා ඇති බවයි අමාත්‍යවරයාගේ මාධ්‍ය අංශය පවසන්නේ.

Facebook Comments

Loading...