අපි ගෝඨාභයට බයයි ගෝඨාභය උසාවියට බයයි (VIDEO)

0

හිටපු ආරක්ෂක ලේකම් ගෝඨාභය රාජපක්ෂ තමන්ගේ නියම ස්වරූප හෙළි වෙතැයි බියෙන් උසාවියට නොපැමිණෙන බවත් නීතිය ප්‍රජාතන්ත්‍රවාදය ගරු කරන ජනතාව ඔහුගේ භීෂණයට බියක් දක්වන බව සමාජ සවිබල ගැන්විමේ ඇමැතිවරයා ප්‍රකාශ කර තිබේ.

“ගෝඨාභය රාජපක්ෂ මහත්තයා කොච්චර බයද කියල දන්නවද උසාවියට මට නඩු 21 තියෙනවා මම හැමදාම නඩු දින වලට යනවා මම සුප්රිම් කෝට් එකට ගිහිල්ලත් මගේ ස්ටේට්මන්ට එක දෙනවා. එතුමව අත්අඩංගුවට ගන්න බැරිවෙන්න අපේක්ෂිත ඇප දාන මනුස්සයෙක් එතුමා. කවදාවත් උසාවි යන්නෙ නැහැ උසාවියට බයයි උසාවියෙදි දෙපැත්තෙන්ම සාක්ෂි ඇවිල්ල එතුමගේ සැබෑ පැටිකිරිය එළි වෙනවා. ගෝඨාභය මහත්තයා උසාවියට බයයි ගෝඨාභය මහත්තයට අපි බයයි.” අමාත්‍ය රන්ජන් රාමනායක කියා සිටියේය.

ජනතාවට ඔහුට බියක් දක්වන්නේ යළි බලයට පැමිණියහොත් “මරණ කොටන” බව ජනතාව දන්නා නිසා බව රන්ජන් රාමනායක ඇමැතිවරයා 25 සිකුරාදා පැවති මාධ්‍ය හමුවක දී ප්‍රකාශ කළේය.

ඇමරිකාවේ සැඟව සිටි තම සොහොයුරා බලයට පත්වු පසු මෙරටට පැමිණි ගෝඨාභය රාජපක්ෂ හට මාධ්‍යවේදීන් ඝාතනයට, වැලිකඩ බන්ධනාගාරයේ සිරකරුවන් ඝාතනය සහ සුදු වෑන් සංස්කෘතිය බිහි කිරිම ඇතුළු එවක සිදුවු අපරාධ රැසකට වගකිව යුතු බව මෙන්ම එම අපරාධ සම්බන්ධව චෝදනා ඇති බවයි ඇමැතිවරයා පවසන්නේ.

මිනි මැරිමේ පිපාසය

ගෝඨාභය රාජපක්ෂ හට මීනිමැරිමේ පිපාසයක් ඇති බව සහ ඔහු ඉන් සතුටට පත්වන පුද්ගලයෙකු බවට අමාත්‍යවරයා විශ්වාසය පල කර සිටියේ හිටපු හමුදාපති සරත් ෆොන්සේකා එල්ලා මරා දැමිය යුතු බවට ඔහු ආරක්ෂක ලේකම් ධුරයේ දරන සමයේ කල ප්‍රකාශයක්ද සිහිපත් කරමිනි.

“ඔහුට මිනිමැරිමේ ආශාවක් තියෙන පුද්ගලයෙක් මිනි මරලා සතුටු වන පුද්ගලයෙක් බීබීසි එකට හෝ සීඑන්එන් එකට එතුමා කියනවා සරත් ෆොන්සේකා කියන යුද හමුදාපතිවරයා එල්ලා මරනවා කියලා. ඉතින් ඒකෙන් තේරෙනවා ඔහුට කොච්චර මිනිමැරීමේ පිපාසයක් තියෙනවද කියලා.” යැයි රන්ජන් රාමනායක අමාත්‍යවරයා වැඩි දුරටත් පෙන්වා දුනි.

Facebook Comments

wedding people