එන්ටප්‍රයිස් ශ්‍රී ලංකා වැඩි සටහන ආරම්භ කරන ලද්දේ මෙරට පුරාණ මුතුන් මිත්තන් හට ව්‍යවසාකත්වය වෙනුවෙන් තිබු ලෝක ප්‍රසිද්ධය තරුණ පරපුර හට දායාද කිරිමේ අරමුණින් බව මුදල් අමාත්‍යවරයා අවධාරණ කර තිබේ.
“අපේ පුරාණ මුතුන් මිත්තනුට වෙළඳාම වෙනුවෙන් ව්‍යවසායකත්වය වෙනුවෙන් තිබුණ ලෝක ප්‍රසිද්ධ හැකියාවන් යළි නව පරපුරේ පණ ගැන්වීමට අපි මේ සංකල්පය ඉදිරිපත් කළා.” යැයි මංගල සමරවීර අමාත්‍යවරයා 23 සෙනසුරාදා මාතර වැලිගම පැවති “එන්ටප්‍රයිස් ශ්‍රී ලංකා ඔබේ ගමට” ජංගම සේවාවට එක්වෙමින් පැවසීය.
පසුගියදා ඉදිරිපත් කරන ලද අය වැයෙන් එන්ටප්‍රයිස් ශ්‍රී ලංකා වැඩ සටහන පුළුල් කරමින් තවත් ණය යෝජනා කිහිපයක් හඳුන්වා දීමට යෝජනා කල බව ද ඇමැතිවරයා කියා සිටියේය.
වැලිගම පැවති “එන්ටප්‍රයිස් ශ්‍රී ලංකා ඔබේ ගමට” ජංගම සේවාවට ව්‍යවසායකයින් ඇතුළුව 8000කට ආසන්න පිරිසක් සම්බන්ධ වු බවයි සංවිධායකයින් පවසන්නේ.
මෙවැනි ජංගම වැඩසටහන් ඉදිරියේදී ශ්‍රී ලංකාව පුරා පැවත්වමින් ව්‍යවසායකයින් හට ශක්තිය ලබා දෙන බව ද මංගල සමරවීර අමාත්‍යවරයා වැඩි දුරටත් කියා සිටියේය.
Facebook Comments
