ජවිපෙන් සියල්ලන්ටම අභියෝගයක් වෙන ජනාධිපති අපේක්ෂකයෙක්

0

ඉදිරි ජනාධිපතිවරණය විධායක ජනාධිපති ක්‍රමය අහෝසි නොකර පවත්වන්නේ නම් සියලු අපේක්ෂකයන්ට අභියෝගයන් වන තරඟකරුවෙකු ඉදිරිපත් කරන බවට ජනතා විමුක්ති පෙරමුණ අනතුරු අඟවා තිබේ.

“ජනාධිපති ක්‍රමය අහෝසි කර ගැනීම සඳහා දැඩි උත්සාහයක් ගන්නවා. යම් කිසි විදියකින් ඒ කර ගැනීමට අපොහොසත් වුවහොත් සියලු දේශපාලන පක්ෂ වලට අභියෝග කළ හැකි ජනතා විමුක්ති පෙරමුණේ අපේක්ෂකයෙක් ඉදිරිපත් කරමින් ජනාධිපතිවරණයට තරග කිරීමට සුදානම්.”යැයි එම පෙරමුණේ ලේකම් ටිල්වින් සිල්වා කියා සිටියේය.

විධායක ජනාධිපති ක්‍රමය අහෝසි කිරීමට ගෙන ඒමට නියමිත 20 වන ව්‍යවස්ථා සංශෝධනයට සහාය ලබා ගැනීම සඳහා විපක්ෂ නායක මහින්ද රාජපක්ෂ කරන ලද ඉල්ලීමට යහපත් ප්‍රතිචාරයක් නොලැබුණ බව ද හෙතෙම කියා සිටියේ තිස්සමහරාම ආසන බල මණ්ඩල පිහිටුවීමට එක් වෙමිනි.

කෙසේ වෙතත් ඒ සම්බන්ධව දෙමළ ජාතික සන්ධානය ප්‍රතිපත්තිමය වශයෙන් සහාය දීමට එකඟ වු බව ද ටිල්වින් සිල්වා සඳහන් කළේය.

මේ අතර ඉදිරි ජනාධිපතිවරණයක දී කිසිඳු අෙප්ක්ෂකෙයකු හට 50% ක ඡන්ද ප්‍රතිශතයක් ලබාගැනීමට තම පක්ෂය ඉඩ ලබා නොදෙන බව ජවිපෙ ප්‍රචාරක ලේකම් පාර්ලිමේන්තු මන්ත්‍රී විජිත හේරත් ප්‍රකාශ කර තිබේ.

ජනාධිපතිවරණය ජය ගැනීමට අවශ්‍ය තුරුම්පුව ඇත්තේ තම පක්ෂය සතුව බවද මන්ත්‍රීවරයා වැඩි දුරටත් පවසා ඇත.

Facebook Comments

wedding people