විවිධ හේතු මත දෙමාව්පියන් විසින් බාර නොගන්නා අලුත උපන් බිලිඳුන් සහ වයස අවුරුද්දට අඩු දරුවන් අනාරක්ෂිතව අතහැර දමා යාම වළක්වා ගැනීමට වැළැක්වීමට ජාතික ළමා ආරක්ෂක අධිකාරිය විසින් වැඩසටහනක් ක්‍රියාත්මක කිරිමට තීරණය කර තිබේ.
එලෙස බාර නොගන්නා දරුවන් තම බාරයට ගැනීමට පලාත් 9යෙහි ප්‍රධාන රෝහල් 9ක ළමා රෝග අංශයට අනුබද්ධව දරුවන් බාර ගැනිමේ කවුළු පිහිටුවීමට මේ වන විටත් පියවර ගෙන ඇති බවයි එම අධිකාරිය නිවේදනය කරන්නේ.
ඊට අමතරව නව රජයේ සෞභාග්‍යෙය් දැක්ම අනුව ඵලදායි පුරවැසියෙකු සහ සතුටින් ජිවත් වන පවුලක් නිර්මාණය කිරීමට වඩා පුළුල් ලෙස ළමා අයිතීන් ආරක්ෂා කිරීමට විශේෂ ක්‍රියාමාර්ග කිහිපයක් ගෙන ඇත.
ළමා ආරක්ෂාවට අදාළව ජාතික ළමා ආරක්ෂණ අධිකාරි පනත සංශෝධනය කිරීමට නීති විශාරදයින් ඇතුළු කමිටුවකින් දායකත්වය ලබා ගනිමින් සිටින බවද ළමා ආරක්ෂක අධිකාරිය නිවේදනය කරයි.
ළමා සුරැකුම් මධ්‍යස්ථාන සඳහා වන ජාතික ප්‍රතිපත්තියක් සැකසීම ළමා අපයෝජන මෙන්ම ළමා සැකකරුවන් පිළිබඳව වාර්තා කිරිමේදී ළමා අයිතිවාසිකම් පිළිබඳව අනුගමන කළ යුතු කරුණු ගැන මාර්ගෝපදේශ අවසන් කිරීමේ කටයුතු අවසන් වෙමින් පවතින බවයි එම අධිකාරිය පවසන්නේ.
ජාතික ළමා ආරක්ෂක අධිකාරියේ පොලිස් පැමිණිලි යාවත්කාලීන කිරීම හා කළමනාකරණය කිරීමේ ඩිජිටල් පද්ධතිය සකස් කිරීමේ කටයුතු මේ දිනවල සිදුකරමින් පවතින බවත් ජාතික ළමා අරක්ෂක අධිකාරිය වැඩි දුරටත් නිවේදනය කරයි.
Facebook Comments
