රට මුහුණ පා සිටින විශාලතම ගැටලූව නම් රාජපක්‍ෂ පාලන සමයේ ලබාගත් අති විශාල ණය කන්දරා බව අගමැතිවරයා පවසා තිබේ.
අපේ රට මුහුණ පා සිටින විශාලතම ගැටලූව නම් රාජපක්‍ෂ පාලන සමයේ ලබාගත් අති විශාල ණය කන්දරාවයි. ලබාගත් ණය සඳහා පොලිය ගෙවීමටවත් එදා මුදල් තිබුණේ නැහැ. 2016 – 17 කාලය තුළ දී අප ණය ගෙවීමට හැකි පරිදි රටේ ආර්ථිකය සකස් කළා. යැයි අගමැති රනිල් වික්‍රමසිංහ 06 පැවති එක්සත් ජාතික පක්ෂ මැයි දිනය අමතමින් කියා සිටියේය.
රටේ ආර්ථිකය කඩා වැටුණේ නම් ජනතාව ජිවත් වන්නේ කෙසේ දැයි ප්‍රශ්න කරන අගමැතිවරයා වත්මන් රජය රටේ ආර්ථිකය ගොඩනැංගු බව මෙන්ම ඇතැම් අවස්ථාවල ඒ සඳහා බදු ඉහල දැමීමට සිදු වු බව ද සඳහන් කළේය.
ණය ගෙවීම, ලෝකයේ පිළිගැනීමක් ලැබීම, අනාගත පරම්පරාව ණය බරින් නිදහස් කිරීම යන අරමුණු ඇතිව යහපාලන රජය ආර්ථිකයත්, රටත් සංවර්ධනය කල බව පවසන අගමැතිවරයා ශ්‍රී ලංකාවට එරෙහිව පනවා තිබූ ජී.එස්.පී. ප්ලස් බදු සහනය නැවතත් ලබා ගැනීම හරහා ලෝකයේ අපනයන වෙළෙඳපොළට පිවිසීමේ හැකියාව ලැබී තිබෙන බව ද පෙන්වා දුනි.
මෙතරම් වැඩ කොටසක් සිදුකර තිබිය දී ඇතැමුන් ආණ්ඩුව රට වෙනුවෙන් කරන්නේ මොනවා දැයි විමසන බව පැවසු අගමැති රනිල් වික්‍රමසිංහ රට වෙනුවෙන් සිදු කර ඇති මෙම විශාල කාර්ය භාරය ගොඩනැගිල්ලක් ඉදිකරනවා මෙන් ජනතාවට නොපෙනන දන්නා බව ද වැඩි දුරටත් කියා සිටියේය.
Facebook Comments
