විදේශයන් හි සිටින ශ්රී ලාංකික ජනතාවට ඉදිරි මැතිවරණවලදී ඡන්දය පාවිච්චි කිරීමට අවස්ථාව සළසා දීම සඳහා ඊට අනුෂාංගික කරුණු විමර්ශනය කර පියවර නිර්දේශ කොට වාර්තා කිරීම සඳහා වන පාර්ලිමේන්තු විශේෂ කාරක සභාවක් පත් කර ඇත.
විදේශ රැකියා අමාත්ය තලතා අතුකෝරල මහත්මියගේ සභාපතීත්වයෙන් මෙම විශේෂ කාරකසභාව පත් කර තිබෙ න බව කතානායකවරයා ඊයේ (17) පාර්ලිමේන්තුවේදී පැවසීය.
අමාත්යවරුන් වන සුසිල් ප්රේමජයන්ත, වෛද්ය සුදර්ශනි ප්රනාන්දුපුල්ලේ, ෆයිසාල් කාසිම්, හර්ෂ ද සිල්වා, රන්ජන් රාමනායක, මන්ත්රිවරුන් වන ඩග්ලස් දේවානන්ද, ගාමිණි ලොකුගේ, මහින්ද යාපා අබේවර්ධන, කෙහෙළිය රඹුක්වැල්ල, සුනිල් හදුන්නෙත්ති, බිමල් රත්නායක, ජේ.සි අලවතුවල, එස්. ශ්රීතරන්, එම්.ඒ. සුමන්තිරන්, අරවින්ද් කුමාර්, නාලක ප්රසාද් කොලොන්නේ, චන්දිම ගමගේ, මජිබර් රහුමාන් හා ඥාණමුත්තු ශ්රීනේෂන් යන අය මෙම කරක සභාවේ සෙසු සාමාජිකයන් ලෙස පත් කර තිබේ.