ඇමරිකාවේ හිටපු ශ්‍රී ලංකා තානාපති ජාලිය ගීතාන් වික්‍රමසූරිය ඊයේ (17දා) අලුයම කටුනායක ගුවන්තොටුපොළ හරහා මෙරටින් පැන යාමට සූදානම් වෙද්දී මූල්‍ය අපරාධ කොට්ඨාසයේ නිලධාරින් ඔහුව අත්අඩංගුවට ගත් බව පොලිසිය පවසයි.
තානාපතිවරයාව සිටියදී සිදු කළේ යැයි කියන මහා පරිමාණ මූල්‍ය වංචාවක් සම්බන්ධයෙන් පරීක්ෂණ පැවැත්වූ මූල්‍ය අපරාධ කොට්ඨාසය ඊයේ දින ඔහුගෙන් ප්‍රකාශයක් ලබාගැනීමට මූල්‍ය අපරාධ කොට්ඨාසය වෙත කැඳවා තිබු අතර එම අවස්ථාව මඟහැර රටින් පිටව යාමට කටුනායකට පැමිණි අවස්ථාවේ මෙසේ අත්අඩංගුවට ගෙන ඇත.
මෙ‍ෙස් ඔහු රටින් පිටව යෑමට සූදානම් වෙද්දී රැකවල්ලා සිටි මූල්‍ය අපරාධ කොට්ඨාස නිලධාරින් ඔහු අත්අඩංගුවට ගෙන ඒ අවස්ථාවේම මූල්‍ය අපරාධ කොට්ඨාසය වෙත ගෙන විත් අති අතර එතැන් සිට ඊයේ රාත්‍රී 10.00 පමණ වන තෙක් ඔහුගෙන් ප්‍රශ්න කර ඇති බවයි පොලිසි ආරංච් මාර්ග පවසන්නේ.
Facebook Comments
