ජාතික ගීය දෙමළ බසින් ගායනා කිරීම අභියෝගයට ලක් කර ගොණු කර තිබු පෙත්සමක් ශ්‍රේෂ්ඨාධිකරණය විසින් අද (18) විභාගයට නොගෙන ප්රතික්ෂේප කළේය.
හැටහය වැනි ජාතික නිදහස් උත්සවයේ දී ජාතික ගීය දෙමළ භාෂාවෙන් ගායනා කිරීම ව්‍යවස්ථාවට පටහැනි බවත්,එමඟින් සිය මූලික අයිතිවාසිකම් කඩ වී ඇති බවට ප්රකාශ කරන්නැයි ඉල්ලා ජනාධිපති මෛත්‍රීපාල සිරිසේන සහ නීතිපතිවරයාට එරෙහිව තිදෙනෙකු විසින් මෙම පෙත්සම ගොණු කරනු ලැබිනි.
මෙහිදී නීතිපතිවරයා ප්රකාශ කර ඇත්තේ ආණ්ඩුක‍්‍රම ව්‍යවස්ථාවට අනුව ජාතික ගීය දෙමළ භාෂාවෙන් ගායනා කිරීමට ව්‍යවස්ථාමය ප‍්‍රතිපාදන ඇති බවයි.
නීතිපතිවරයා විසින් ඉදිරිපත් කළ කරුණු සලකා බලා පෙත්සම විභාගයට නොගෙන ප්රතික්ෂේප කිරීමටයි විනිසුරු මඩුල්ල නියෝග කර ඇත්තේ.
මෙම පෙත්සම ප්‍රියසාත් ඩෙප්, කේ.ටී චිත්‍රසිරි සහ ප්‍රියන්ත යන විනිසුරු මඩුල්ල හමුවේ සළකා බැළිණි.
කැළණිය, ගල්බොරැල්ලේ විතානගේ සංජීව සුදත් පෙරේරා , පෑලියගොඩ ප්‍රදීප් ආසිරි සොයිසා සහ කැළණියේ දොන් ප්‍රේමරත්න පෙත්සම ගොනු කළහ.
Facebook Comments
