රාජ්‍ය ත්‍රස්තවාදය ක්‍රියාත්මක කිරීමට සම්බන්ධ හමුදා නිලධාරින්ගේ වෙනුවෙන් පෙනී සිටින ජනාධිපතිවරයා දේශපාලන සිරකරුවන් නිදහස් කිරීමට මැදිහත් නොවන්නේ ඇය ද යන්න දේශපාලන සිරකරුවන් නිදහස් කිරිමේ ජාතික ව්‍යාපාරය ප්‍රශ්න කර සිටිනවා.
දේශපාලන සිරකරුවන් නිදහස් කර ගැනීම වෙනුවෙන් ජනාධිපතවරයා ලේකම් කාර්යාලයට පෙත්සමක් භාර දීමෙන් අනතුරුව මාධ්‍යයට අදහස් දක්වමින් දේශපාලන සිරකරුවන් නිදහස් කර ගැනිමේ ජාතික ව්‍යාපාරයේ කැඳවුම්කරා මාරි මුත්තු සත්‍යවේල් පියතුමා මේ බව පැවසීය.
දේශපාලන සිරකරුවන් නිදහස් කරන මෙන් බල කෙරෙන මහජන පෙත්සමක් හා එම සිරකරුවන්ගේ ප්‍රශ්න අධිකරණය හරහා විසදිය නොහැක්කේ ඇයිද යන්න වාර්තාවක් ජනාධිපතිවරයා හට ලබා දීමට ජනාධිපති ලේකම් වෙත භාර දුන් බවයි සත්‍යවේල් පියතුමා කියා සිටියේ.
තමන් විසින් භාරදුන් වාර්තාවේ කරුණු පිළිබඳව පළමුව රාජ්‍ය නිලධාරින් හා දේශපාලඥයින් සමඟ සාකච්ඡා කර ඉන් අනතුරුව තම සංවිධානයට ෙම් පිළිබඳව සාකච්ජාවක් ලබා දීමට මෙම වාර්තා භාර ගත් ජනාධිපති අතිරේක ලේකම් සුනන්ද කාරියපෙරුම පොරොන්දු වු බව පියතුමා පවසනවා.
Facebook Comments
